1a:T7a6,

Avropa İttifaqının (Aİ) Beynəlxalq Tərəfdaşlıq üzrə Komissarı Jozef Sikelanın ofisindən verilən məlumata görə, Aİ tezliklə Qrenlandiyanın dəstəklənməsi və inkişafına yönəlmiş investisiya planını təqdim edəcək.

Sfera.az xəbər verir ki, “Politico” qəzetinin məlumatına görə, Sikelan bildirib: “Biz Qrenlandiyada gündəlik həyatı yaxşılaşdıracaq və sakinlərin gələcəkləri ilə bağlı öz qərarlarını vermək hüququna güclü dəstəyimizi artıracaq əhəmiyyətli investisiya paketi hazırlayırıq”.

Plan çərçivəsində investisiyalar bərpa olunan enerji mənbələrinin inkişafına, kommunikasiya təminatına, həmçinin müdafiə sənayesi və elektrikli nəqliyyat vasitələrinin istehsalına yönələcək. Aİ adaya investisiyaları təxminən ikiqat artıraraq 500 milyon avroya çatdırmağı və mövcud layihələri dəstəkləməyi planlaşdırır. Sikelanın yanvarın 26-da Danimarkaya səfəri zamanı xarici işlər naziri Lars Lökke Rasmussen də daxil olmaqla yüksək vəzifəli şəxslərlə görüşlər keçirilməsi nəzərdə tutulur.

Bundan əvvəl, 21 yanvarda NATO-nun baş katibi Mark Rutte ilə danışıqlardan sonra ABŞ prezidenti Donald Tramp Qrenlandiya ilə bağlı razılaşmanın konturlarının ortaya çıxdığını elan etmişdi. “Axios”-un məlumatına görə, Ruttenin Trampa təqdim etdiyi razılaşma layihəsində Danimarkanın Qrenlandiya üzərində suverenliyinin qorunması və adanın müdafiəsi ilə bağlı 1951-ci il müqaviləsinin şərtlərinin yenilənməsi nəzərdə tutulur. Bu, NATO-nun zəruri hesab etdiyi təqdirdə ABŞ-yə adada hərbi bazalar və müdafiə zonaları yaratmağa imkan verəcək.

Niyaz Hacıyev
Sfera.az

4:[["$","script",null,{"type":"application/ld+json","dangerouslySetInnerHTML":{"__

Qrenlandiya inkişaf etdiriləcək - Yeni investisiyalar qoyulacaq