"Ölmək", mahnı oxumaq, dabanlı ayaqqabı geyinmək... - Ölkələrin maraqlı qadağaları

Dünyanın müxtəlif ölkələrində insanların həyatına təsir edən çox qəribə qadağalar mövcuddur. Bu qaydalar bəzən ictimai təhlükəsizlik, bəzən mədəniyyət və adət-ənənələr, bəzən isə sadəcə gündəlik həyatın qaydaları ilə bağlı olur.

Sfera.az bu ölkələri təqdim edir: 

Sinqapur

Ölkədə saqqızın satışı və idxalı tam qadağandır. Qərarın məqsədi şəhərin təmizliyini qorumaqdır.
Barbados və digər Karib adaları-hərbi kamuflyaj geyimlərini geyinmək vətəndaşlar və turistlər üçün yasaqdır. Bu, hərbi şəxslərlə qarışıqlığın qarşısını almaq üçündür.

 

Kapri adası (İtaliya)

 

"Şappıltılı” ayaqqabılar geyinmək olmaz. Səbəb ada sakinlərinin sakitliyini qorumaqdır.

Yunanıstan

Tarixi abidələrə hündür dabanlı ayaqqabı ilə daxil olmaq qadağandır. Bu, qədim daşların zədələnməməsi üçün nəzərdə tutulub.

Longyearbyen (Norveç)

 

Burada ölmək “qadağan olunub”. Səbəb soyuq iqlimdə torpağın donması və cəsədlərin çürüməməsidir.

Fransa

Bəzi kəndlərdə qəbir yerlərinin məhdudluğu səbəbindən sakinlər yalnız əvvəlcədən yer ayırdıqları halda orada dəfn edilə bilərlər.

Tailand

120-dən çox oyun kartı daşımaq qadağandır. Qayda qumarın qarşısını almaq məqsədi daşıyır.

Türkmənistan

Mahnını dodaq tərpədərək oxumaq rəsmi şəkildə qadağandır. Bütün musiqi ifaları canlı olmalıdır. 

Bundan əlavə, qadınlara xüsusi geyim qaydaları tətbiq olunub. Subay qadınların sarı baş örtüyü, evli qadınların isə sarı paltar geyinməsi tələb olunur.

Qazaxıstan

 

İctimai yerlərdə üzü tam örtən geyimlərin istifadəsi qadağan edilib. İstisnalar yalnız tibbi zərurət, hava şəraiti və xüsusi tədbirlərdir.

Tacikistan

 

Qadınlara qara geyim, sıx və şəffaf paltar geyinmək qadağan olunub. Həmçinin ictimai yerlərdə hicabın istifadəsinə də məhdudiyyətlər tətbiq edilib.

Afrikanın və Asiyanın bəzi ölkələri

Cadugərlik və sehrlə məşğul olmaq, eləcə də başqalarını bu fəaliyyətlə ittiham etmək qanunla cinayət sayılır.

Fidan Haсızadə
Sfera.az