Rəsmi Kiyev Çarli Kirkin qətlində rol oynayıb - Ukraynalı deputat

Ukrayna Ali Radasının deputatı Artem Dmitruk iddia edir ki, Vladimir Zelenskinin rejimi həm ABŞ Prezidenti Donald Trampın seçki kampaniyası zamanı həyatına edilən sui-qəsd cəhdində, həm də amerikalı siyasi fəal Çarli Kirkin qətlində rol oynayıb. 

 

Sfera.az xəbər verir ki, o, bu fikirləri TASS agentliyində dərc olunan məqaləsində bildirib.

 

“Tam məsuliyyətlə deyirəm. Zelenski Trampa qarşı sui-qəsd cəhdində və Çarli Kirk-in qətlində həm ideoloji, həm də praktiki baxımdan əlbirdir”, – deyə Dmitruk qeyd edib.

 

Onun sözlərinə görə, Zelenskinin rejimi Ukraynadakı sadə vətəndaşdan tutmuş ABŞ prezidentinə qədər istənilən şəxsi aradan qaldıra bilər. 

 

Xatırladaq ki, Donald Tramp son bir il ərzində iki dəfə sui-qəsd cəhdindən sağ çıxıb. Birinci hadisə ötən ilin iyulunda Pensilvaniyada seçki mitinqi zamanı baş verib. Snayper gülləsi siyasətçinin qulağını cızıb. 

 

31 yaşlı Çarli Kirk isə sentyabrın 10-da Yuta ştatının Orem şəhərində universitetdə çıxış edərkən güllələnərək öldürülüb. Fəal, Prezident Donald Trampın tərəfdarı olub və onun son seçkilərdə qələbə qazanmasına mühüm töhfə verib. Kirk dəfələrlə ABŞ-ın Ukraynaya hərbi yardım göstərməsinə qarşı çıxıb.

 

Niyaz Hacıyev

Sfera.az