Son günlərdə Pentaqon ilk dəfə UNO-lar haqqında gizli arxiv məlumatlarını yayımlayınəb. Buraya Aydakı ilk astronavtlardan biri olan və missiya zamanı naməlum obyektləri müşahidə edən Buzz Aldrinin ifadəsi də daxildir.

Sfera.az bildirir ki, Buzz Aldrin “Apollo 11” missiyası zamanı UNO-lar haqqında ifadə verib. Aldrinin sözlərinə görə, Ay uçuşu zamanı üç qəribə hadisəni müşahidə edib. O, bu barədə uçuşdan sonrakı brifinq zamanı açıqlama verib.

"Gördüyümüz ilk qeyri-adi şey uçuşdan təxminən bir gün sonra və ya Aya daha yaxın bir yerdə peyda oldu. Olduqca böyük idi, ona görə də biz ona monokulyar vasitəsilə baxmağa başladıq"- deyə astronavt Pentaqon tərəfindən bu yaxınlarda açıqlanan ifadəsində bildirib.

Pentaqon Gizli UFO Fotosu

Aldrin həmçinin kapsulun içərisindəki sirli işıq parıltılarını təsvir edib və heyət bunu qaranlıqda yatmağa çalışarkən görüb. “Apollo 11” heyəti də izah etməyə çalışdıqları ayrıca parlaq işıq mənbəyi də görüb.

"Başqa bir müşahidə tədricən toplandı. İlk gecə görüb-görmədiyimi bilmirəm, amma ikinci gecə dəqiq fərq etdim. İşıqları söndürüb yatmağa çalışırdım və kabinənin içərisində hər neçə dəqiqədən bir təkrarlanan kiçik parıltılara bənzər bir şey gördüm. Kifayət qədər parlaq bir işıq idi və bunun bir növ lazer ola biləcəyini düşündük"- deyə astronavt əlavə edib.

NASA astronavtları “Apollo” missiyaları zamanı dəfələrlə gəmilərinin yanından uçan "parlaq obyektlər" barədə məlumat veriblər. Sənədlərdə naməlum anomal hadisələrlə əlaqəli yüzlərlə fotoşəkil, video və transkript var.

"Xüsusilə diqqət “Apollo 12” və “Apollo 17” missiyalarından olan qeydlərə cəlb edilib, burada astronavtların gəmilərinin yaxınlığında qəribə obyektləri də təsvir ediblər. Uçuş zamanı “Apollo 17” astronavtları missiya idarəetməsinə "manevr zamanı yanımızdan bir neçə çox parlaq hissəcik və ya zibilin keçdiyini" gördüklərini bildiriblər. Daha sonra astronavtlar modulun ətrafında daha da sirli obyektlərin görünməyə başladığını bildiriblər"- deyə bir məqalədə bildirilir.

Başqa bir ekipaj üzvü qarşısında bir dəstə "böyük parlaq obyekt" gördüyünü təsvir edib. Bütün parıltı effekti astronavtı kimlərinsə pəncərənin xaricində sanki “Müstəqillik Günü münasibətilə tədbir qeyd etdiklərini” düşünməyə vadar edib.

Aynil

Astronavtın UNO ilə bağlı ifadəsi açıqlandı - Foto