“Azərbaycan COP29-un təhlükəsizlik tədbirlərini yüksək səviyyədə təmin etdi” - Deputat

“Azərbaycan ev sahibi kimi COP29-un təhlükəsizlik tədbirlərini ən yüksək səviyyədə təmin etdi”.

Sfera.az xəbər verir ki, bunu Milli Məclisin bugünkü plenar iclasında deputat Arzu Nağıyev deyib.

“Azərbaycan COP29 kimi daha bir beynəlxalq tədbirə ev sahibliyi etdi. Belə tədbirlərdə əsas məsələ təhlükəsizlikdir. Burada DİN, DTX, DSX - bir sözlə, bütün təhlükəsizlik xidmətləri işlərini yaxşı qura bildi. Kibertəhlükəsizlik, sağlamlığın təhlükəsizliyi yüksək səviyyədə qorundu. Tədbirlər keçirilən Olimpiya Stadionunda da internet yüksək səviyyədə təmin edildi. Dinc aksiyalara qarşı tədbirlər əvvəlcədən təxmin edildiyi üçün tədbirlər görüldü”, - millət vəkili bildirib.

Firuzə Əliyeva

Sfera.az