Suriyada Rusiyanın hansı hərbi təyyarələri olub? - ADLAR

Suriyada hakimiyyət dəyişikliyindən sonra Rusiya bu ölkədə olan hərbi vasitələrini xilas etməyə çalışır. Rəsmi məlumatlara əsasən, Rusiyanın bu ölkədə iki hərbi bazası var. Onlardan biri hərbi dəniz qüvvələrinə, digəri isə hərbi hava qüvvələrinə aiddir.

Sfera.az ukraynalı aviasiya eksperti Anatoli Xrapçinskinin açıqladığı məlumatlara istindan xəbər verir ki, Suriyadakı Rusiya aviabazasının inventarı olduqca böyük olub.

Onun məlumatına görə, Rusiya Suriya ərazisində "Su-34", "Tu-22M3", "Tu-160", "Su-30", "Su-29", "MiQ-29", "A-50", "İl-76", "İl-20" və bu kimi digər təyyarələri saxlayırdı. Bundan əlavə, Rusiya burada “X-101” qanadlı raketlərinə də sahib idi.

Xrapçinski qeyd edib ki, həmin bazada çoxlu sayda təyyarə yerləşirdi. Onun sözlərinə görə, təyyarələri qorumaq üçün bazada hava hücumundan müdafiə sistemləri də olub. Ekspert hesab edir ki, ruslar mümkün olduğu qədər daha çox döyüş vasitəsini hərbi bazalardan çıxarmağa çalışacaqlar.

Onun qənaətincə, Rusiya Bəşər Əsədin gedəcəyini öncədən bilib və zəruri tədbirlər də görüb: “Dekabrın 8-də Bəşər Əsədin ölkəni tərk etdiyinə dair məlumat yayıldı. Yəqin ki, Rusiya komandanlığı Əsədin ölkəni tərk edəcəyinə dair öncədən xəbərdar edilib. Çünki rus qoşunları bir neçə gün öncə Tartusdakı bazadan gəmiləri geri çəkib və silahları Xmeymimdən təyyarə ilə aparıblar. Rusiya anlayır ki, yeni hakimiyyətlə razılaşmasa Suriyadakı hərbi bazalarını itirə bilər”.

Vasif

Sfera.az