G20 Liderlər Sammitinin bəyannaməsi dərc olundu - DETALLAR

G20 Liderlər Sammitinin bəyannaməsi dərc olundu - DETALLAR

G20 Liderlər Sammitinin bəyannaməsi dərc olunub.

 

Sfera.az bildirir ki, məlumat Braziliyanın ev sahibliyi ilə Rio-de-Janeyroda keçirilən 19-cu toplantının ilk günündə açıqlanıb. Bəyannamədə İsrail-Qəzza-Livan məsələlərinə, Rusiya ilə Ukrayna arasındakı müharibəyə diqqət çəkilib. 

 

Qeyd olunub ki, Rusiya-Ukrayna müharibəsi qlobal ərzaq və enerji təhlükəsizliyinə, təchizat zəncirlərinə, makromaliyyə sabitliyinə, inflyasiyaya mənfi təsir edib. Burada münaqişələrin sülh yolu ilə həllinin vacibliyi vurğulanıb.

 

“Hərtərəfli, ədalətli və davamlı sülhü dəstəkləyən bütün müvafiq və konstruktiv təşəbbüslər alqışlanır. Diplomatiya və dialoq, eləcə də münaqişələrə və böhranlara son qoymaq səyləri vacibdir. Davamlılıq və rifah yalnız sülh yolu ilə əldə edilə bilər”, - bəyanatda qeyd olunub. 

 

İqlim böhranı ilə mübarizədə G20 ölkələrinin qətiyyətinə diqqətin çəkildiyi bəyannamədə bunlar da əks edilib: “Yoxsul ölkələr üçün daha çox maliyyəyə ehtiyac var. Xüsusilə inkişaf etməkdə olan ölkələr üçün dövlət və özəl iqlim üzrə maliyyə və investisiyaların artırılması üçün beynəlxalq əməkdaşlığın, dəstəyin artırılması vacibdir. Dayanıqlı iqtisadi artımın təmin edilməsi üçün beynəlxalq iqtisadi sistem təşviq edilməlidir. Bu, dövlət və özəl sektorun maliyyələşdirilməsinə yönəldilməlidir”.

 

Bəyannamədə meşələrin mühafizəsi və davamlı şəkildə qorunması istiqamətində səylərin gücləndirilməsinin vacibliyi də vurğulanıb. Paris İqlim Sazişinin məqsədlərini xatırladan sənəddə, üzv ölkələrin təmiz, davamlı, ədalətli, əlverişli və əhatəli enerji keçidlərini sürətləndirmək öhdəliyi və əsrin ortalarına qədər karbon neytrallığına çatmaq məqsədi bir daha bildirilib. 

 

Digər tərəfdən, sammitdə Braziliyanın super varlılar üçün qlobal vergi yaratmaq təklifi də müzakirə edilib. Sammitdə vurğulanıb ki, dünyanın 3300 milyarderi sərvətlərinin 2 faizini yaşadıqları ölkələrdə qlobal vergi kimi xərcləsələr, yoxsulluqla mübarizə layihələrinin maliyyələşdirilməsi üçün ildə 200-250 milyard dollar toplamaq mümkün olacaq. 

 

Günay 


OXŞAR XƏBƏRLƏR

Qazaxda yeniyetmə skuter sürən zaman yıxılaraq ölüb

Qazaxda yeniyetmə skuter sürən zaman yıxılaraq ölüb.   Sfera.az-ın məlumatına görə, 2009-cu il təvəllüdlü oğlan skuter sürən zaman ehtiyatsızlıqdan y...

"Turan Tovuz" evdə məğlub oldu

Misli Premyer Liqasının XXXIV turunda “Turan Tovuz” evdə “Neftçi”yə məğlub olub.   Sfera.az xəbər verir ki, Tovuz şəhər stadi...

Gerçəkləşməyən uşaqlıq arzusunu 85 il sonra həyata keçirdi

Yaponiyanın Osaka şəhərində keçirilən Ümumdünya Expo 2025 sərgisinin təşkilatçıları bir ziyarətçinin İkinci Dünya Müharibəsinin başlaması səbəbindən ləğv edilmi...

Sumqayıtda piyadanın ölümü ilə nəticələnən yol qəzası baş verib

Bakı-Quba yolunun 37-ci kilometrliyində piyadanın ölümü ilə nəticələnən yol-nəqliyyat hadisəsi baş verib.   Sfera.az məlumat verir ki, Sumqayıt ...

Azərbaycan Hindistanla Pakistan arasında elan edilmiş atəşkəsi alqışlayır

Azərbaycan Hindistanla Pakistan arasında elan edilmiş atəşkəsi alqışlayır.   Sfera.az xəbər verir ki, bu barədə Azərbaycan Xariic İşlər Nazirliyindən...

Prezident və birinci xanım "Can Qarabağ" oxudular - VİDEO

Azərbaycan Prezidenti İlham Əliyevin sosial şəbəkə hesablarında Ağdam Muğam Mərkəzinin açılışından görüntülər paylaşılıb.   Sfera.az xəbər verir...