Qeyri-adi hekayəsi ilə xəbər başlıqlarına çıxan Vyetnamlı keçmiş gözəllik kraliçası Dinh Nhu Phuong həm mövqeyi, həm də karyera seçimi ilə heyranlıqla qarşılanır.

Sfera.az 4 milyard Vyetnam Donqu (VND) dəyərində tacını geri qaytaran və akademik karyerasına diqqət yetirən gözəllik kraliçasının hekayəsini təqdim edir.

2022-ci ildə Vyetnamda keçirilən "Miss Vyetnam Adaları" gözəllik müsabiqəsinin qalibi Dinh Nhu Phuong, podiumlardan podiumlara qeyri-adi bir səyahətə çıxıb.

Müsabiqədə qalib gəldikdən dərhal sonra, Phuong təxminən 4 milyard VND dəyərində tacını təşkilatçılara qaytardı. Bu gün o, 25 yaşında, magistr dərəcəsi almış məzun kimi yeni bir həyata başlayıb.

2001-ci il təvəllüdlü Quang Binhdən olan model, "Vyetnam gözəllik müsabiqələri tarixində ən cəsur addım" kimi təsvir edilən bir məqsədlə tacı qaytarmaq qərarına gəlib.

Phuong tacın hərracda satılmasını və bütün gəlirin ölkənin suverenliyini qoruyan əsgərlərə bağışlanmasını istəyib. Ölkələrinə xidmət edən əsgərlərə dəstək olmağın maddi zinət əşyalarına sahib olmaqdan daha vacib olduğunu vurğulayan keçmiş kraliça bu jestlə insanların qəlbini fəth edib.

Dinh Nhu Phuong, təhsilinə diqqət yetirmək üçün gözəllik kraliçası titulunu geridə qoyaraq Ho Şi Min Şəhər Texnologiya Universitetini bitirdikdən sonra akademik pilləkənlərdə sürətlə yüksəldi.

Bu yaxınlarda Biznes İdarəetmə Magistri (MBA) dərəcəsini uğurla başa vuran Phuong 25 yaşında ailəsi və yaxınlarının əhatəsində diplom alıb.
İncəsənət dünyası ilə əlaqələrini tamamilə kəsməsə də, əsas məqsədini "Universitet Professoru" olmaq kimi müəyyən edən Phuong təhsil səyahətinin hələ bitmədiyini deyir.

Gənc qadınların təhsilini dəstəkləyən layihələrdə fəal iştirak edən keçmiş kraliça, gələcək vizyonunu:

"Həm təhsilçi, həm də sənətçi olaraq bilik yaymaq və müsbət düşüncələrə ilham vermək istəyirəm" sözləri ilə ümumiləşdirir.

Dinh Nhu Phuong titulundan yalnız akademik karyera üçün deyil, həm də sosial fayda üçün istifadə etməyə davam edir.

"Uşağınızla Dünyanı Səyahət Edin" layihəsi çərçivəsində autizmli uşaqlar üçün səfir kimi çıxış edən Phuong hesab edir ki, müasir kraliça təkcə xarici gözəlliyi ilə deyil, həm də zəkası, təhsili və sosial məsuliyyət hissi ilə nümunə olmalıdır.

Aynil

Sfera.az

Tacını satan keçmiş gözəllik kraliçası həyatını tamamilə dəyişdirdi