Əfsanəvi meksikalı rəssam Frida Kahlonun ən məşhur sürreal avtoportreti yeni tarixi hərrac rekordu qırıb. Əvvəllər rəssamın ən bahalı rəsminin dəyəri 35 milyon dollar idi.

Sfera.az bildirir ki, sənət əsəri ilk dəfə hərracda satılıb və qadın rəssamın əsəri üçün ödənilən ən yüksək qiymətə çatıb.

“Sotheby's” hərrac evi iki kolleksiyaçı arasında gərgin mübarizədən sonra 1940-cı illərə aid bir rəsmin satıldığını açıqlayıb. "El sueño (la cama)" — "Yuxu (Yataq)" adlı əsərdə rəssamın üstündə dinamitlə bükülmüş bir skelet asılmış örtülü çarpayıda yatdığı təsvir olunur.

“Sotheby's” avtoportreti "psixoloji cəhətdən yüklənmiş" adlandırır. Bu əsər rəssamın həyatının gərgin bir dövründə — keçmiş sevgilisinin qətlə yetirildiyi ildə, boşanmasından və yenidən evlənməsindən qısa müddət sonra yaradılmışdır. Onun əsərləri tez-tez uşaqlıqda poliomielitdən əziyyət çəkən və avtobus qəzasından ağır xəsarət alan öz bədəni ilə bağlı mürəkkəb, ağrılı təcrübələri əks etdirir.

Rəssamın bu əsərinin bir gün 55 milyon dollara (2,32 milyard dollardan çox) satılacağını az adam təsəvvür edə bilərdi. Axı, 1980-ci ildə “Sotheby's” hərracında rəsm cəmi 51.000 dollara satılmışdı.

Qeyd edək ki, 1954-cü ildə vəfat edən Frida Kahlo, dərin şəxsi avtoportretləri sayəsində dünya miqyasında şöhrət qazanaraq, 20-ci əsrin ən görkəmli rəssamlarından biri hesab olunur. “El Sueño” (La Cama) rəssamın ictimai bazara çıxan azsaylı rəsmlərindən biridir.

1980-ci illərdən bəri Meksika hakimiyyəti onun əsərlərini milli abidələr elan edib. Artıq onun əsərlərinin dünya üzrə sərgilər üçün xüsusi icazə olmadan Meksikadan ixracı qadağandır.

Xatırladaq ki, qadın rəssam üçün əvvəlki rekordu Corciya O'Kif "Jimson Weed / White Flower No. 1" əsəri ilə qoymuşdu. Bu rəsm 2014-cü ildə 44 milyon dollara satılıb.

Aynil

Ən bahalı rəsm əsəri oldu - FOTO