Polşada qalmaqal: Polis miqrantlarla toqquşma zamanı atəş açan sərhədçiləri saxladı

Polşada Belarusla sərhəddə miqrantlarla qarşıdurma zamanı odlu silahdan istifadə edən sərhədçilərin cəzalandırılması ilə bağlı qalmaqal yaranıb.

Sfera.az xəbər verir ki, hadisə 2024-cü ilin mart ayının sonu - aprelin əvvəlində baş verib. Atəşin açılması ilə əlaqədar bir neçə polşalı sərhədçi vəzifə səlahiyyətlərini aşmaqda günahlandırılaraq vəzifədən uzaqlaşdırılıb.

Bir qrup miqrant sərhədi keçib və sərhədçilər havaya atəş açmağa başlayıblar, lakin bu, əcnəbilərə mane olmayıb. Sonra 1-ci Varşava Mexanikləşdirilmiş Briqadasının əsgərləri yerə atəş açmağa başlayıblar. Bu, miqrantları qorxudub və onlar sərhəd xəttindən kənara çəkiliblər.

Bundan sonra polis sərhədçilərlə maraqlanıb. Onlardan birinin dediyinə görə, onun bölməsindən üç nəfəri cinayətkarlar kimi əlləri qandallı şəkildə aparıblar. 

Bu açıqlamadan sonra müdafiə naziri Vladislav Kosiniak-Kamış reaksiya verib.

“Hücum edən miqrantlara xəbərdarlıq atəşi açan hərbçilərin saxlanması yolverilməzdir, hərbi polisin məhbuslara qarşı hərəkətləri dövlətin təhlükəsizliyini qoruyan hərbçilərin qanunla qorunduğuna əmin olmalıdırlar”-deyə Vladislav Kosiniak-Kamış  açıqlamasında bildirib.

Aynil

Sfera.az