Merilend Universiteti tərəfindən aparılan bir araşdırmada tez-tez istifadə edilən mədə yanması dərmanları ilə miqren riskinin artması arasında əlaqə aşkarlanıb. 

Sfera.az bildirir ki, tədqiqat Milli Sağlamlıq və Qidalanma Müayinə Sorğusundan 11,800 iştirakçının məlumatlarını təhlil edib. Bu dərmanların tərkibində kalsium karbonat və proton pompası inhibitorları var ki, bunlar turşu axınının yaratdığı xoşagəlməz yanma hissini aradan qaldırmaq üçün nəzərdə tutulub. Lakin alimlər bu dərmanların, yəni bizim ənənəvi müalicə üsullarımız təhlükəli olduğunu sübut edib. Alimlər deyirlər ki, mədə yanmasına qarşı olan dərmanlar sakitcə bədənimizə zərərli təsir göstərir.

Tədqiqatın nəticələri zamanı məlum olub ki, bu dərmanları qəbul edənlərin 28% -i, qəbul etməyənlərin 24% -i ilə müqayisədə miqrendən əziyyət çəkir. Xüsusilə, kalsium karbonat qəbul edənlərdə miqren riski 30%, proton pompası inhibitorları qəbul edənlərdə isə 70% artmışdır. Professor Marqaret Slavinin rəhbərlik etdiyi tədqiqatçılar qrupu, bu dərmanların yan təsiri olan susuzlaşdırmanın miqrenlərə kömək edən faktor ola biləcəyini irəli sürüblər. Bu dərmanlar, miqreni qıcıqlandıran səbəblərdən biri imiş.

Bu tədqiqat yeni potensial risk faktorunu müəyyənləşdirir, eyni zamanda onların təhlükəsizliyi ilə bağlı mövcud narahatlıqları artırır. Əvvəlki tədqiqatlar bu dərmanların uzunmüddətli istifadəsini digər ciddi sağlamlıq problemləri, o cümlədən demansın inkişafı ilə əlaqələndirdi.

Doktor Slavin bu tapıntıların nəticələrini və bu dərmanların sağlamlığımıza təsirini tam başa düşmək üçün əlavə tədqiqatların aparılmasının zəruriliyini vurğulayıb. O, bu dərmanlardan istifadə edən miqren xəstələrinə tibb işçiləri ilə məsləhətləşməyi tövsiyə edir. Bu tədqiqat, ilkin olsa da, ümumi dərmanlarla əlaqəli potensial yan təsirləri başa düşmək və onların istifadəsi üçün düzgün təlimatların işlənib hazırlanmasında mühüm addım rolunu oynayır.

Aysel

Sfera.a