Gənc bir qadının "Ağılımı itirirəm?" sualı ilə paylaşdığı şəxsi təcrübəsi internet tarixindəki ən qeyri-adi həyat qurtaran əməliyyatlardan birinə çevrilib. Sosial medianın etibarlı diaqnostik platforma olduğunu sübut etdiyi nadir hallardan birində minlərlə yad insanın israrı gənc bir qadını ölümün astanasından çıxarıb.

Sfera.az qeyri-adi hadisənin təfərrüatlarını təqdim edir.

İzah olunmayan hadisələr onun ruhi sağlamlığı ilə bağlı suallar doğurub.

Hamısı 22 yaşlı bir Kanadalı qadının həyatında qəribə boşluqların yaranması ilə başlayıb. O, ətrafındakı insanlarıb onun etmədiyi şeyləri edib, demədiyi şeyləri dediklərini iddia edirdi. Ətrafındakıların ya ona qarşı çox qəddar zarafat etdiyini, ya da ciddi bir şizofreniya xəstəliyi ilə üzləşdiyini düşünən gənc qadın hisslərini sosial mediada bölüşüb.

Sevgilisi ilə baş verən hadisə isə səbr kasasını daşıran son damla olub:

“Sevgilim evdən bara gedəcəyini deyərək çıxdı. Qısa müddət sonra qonaq otağına gedəndə o, hələ də orada idi. Niyə getmədiyini soruşanda: “Bara gedəcəyim fikri haradan ağlına gəldi?”- dedi. And içə bilərdim ki, düzgün eşitmişəm, amma o, and içdi ki, belə bir şey deməyib.”

Gənc qadın diaqnozunu şərhlərdə alıb: “Dərhal həkimə gedin!”

Gənc qadının çaşdırıcı hekayəsi tez bir zamanda internetdə yayılıb. Lakin şərhçilər "Səni aldadırlar" və ya "Bu, psixolojidir" demək əvəzinə, vəziyyətin tibbi yardım olduğunu izah edərək, durumu anlayışla qarşılayıblar. Bir istifadəçi:

"Bu simptomlar ruhi xəstəliyə deyil, nevroloji stressə bənzəyir; xahiş edirəm bir mütəxəssisə müraciət edin”-deyə xəbərdarlıq edib. Başqa biri vəziyyətin ciddiliyini vurğulamaq üçün faciəvi bir nümunə əlavə edib:

“Anam da eyni şeyləri yaşadı və nəticədə beyin şişi yarandı. Daha gözləməyin, dərhal həkimə müraciət edin!"

Bu xəbərdarlıqlar gənc qadını və sevgilisini hərəkətə keçməyə sövq edib. İndiyə qədər vaxt itirdiklərini düşünərək təcili yardım şöbəsinə gediblər.

Xəstəxanadakı şok vəziyyətin ciddiliyini ortaya qoyub.

Təcili yardım şöbəsindəki həkimlər vəziyyəti ciddiyə alıb müayinələrə başlayanda gənc qadın həyatının şokunu yaşayıb. Sosial media istifadəçiləri haqlı idilər: onun təcili müdaxilə tələb edən beyin şişi var idi. Gənc qadın şokunu bu sözlərlə təsvir edib:

"Hələ də vəziyyətin reallığı ilə tam barışmamışam. Beyin şişim var və sabah əməliyyat olunacağam. İşim, kirayə haqqını necə ödəyəcəyim barədə düşünürəm, amma eyni zamanda sağam. Heç vaxt bu qədər insanın məni xəbərdar edəcəyini düşünməzdim."

Əməliyyatdan 10 il sonra yenidən paylaşımları ilə gündəmə gəlib.

Bu şok hadisədən düz 10 il sonra gənc qadın internetdə sükutunu yeniləmə ilə pozub. Əməliyyat uğurlu keçsə də, həyatı tamamilə dəyişmişdi. O vaxtkı sevgilisi, qarşıda onu uzun və çətin sağalma prosesi gözlədiyindən xəbər tutduqdan sonra onu tərk edib.

On il sonra qadın mesajında "O oğlan qaçdı, amma mən ailəm, əsl sevgilim və sağlam beyinlə sağam" deyib və əlavə edib ki, bu gün daha xoşbəxt bir həyat yaşayır. Kanadalı qadın hekayəsini sosial medianın mənfi tərəflərinə baxmayaraq, köməyə gələn insanların həyatını necə xilas etdiyini unutmamaqla bitirib:

"Artıq sosial mediadan uzaq dururam, bir dəfə şişi məğlub etmişəm, daha həyəcan axtarmıram!"

Aynil

Sfera.az

Qeybdən gələn səslər: həyatının şokunu yaşadı