Astroloji yozumlara görə bəzi bürclər münasibətlərdə daha emosional, bəziləri isə azadlığına həddindən artıq bağlı olur.

Sfera.az-ın məlumatına görə, mütəxəssislər hesab edir ki, xarakter xüsusiyyətləri ailə həyatında ciddi rol oynayır. Məhz bu səbəbdən aşağıdakı bürclərdə ailə dağılmaları daha çox müşahidə oluna bilər.

Əkizlər

Əkizlər bürcü dəyişkən xarakteri ilə tanınır. Tez darıxmaları, qərarsızlıqları və emosional dalğalanmaları ailə münasibətlərində sabitliyə mane olur. Ünsiyyəti sevsələr də, uzunmüddətli məsuliyyət onlara çətin gələ bilir.

Oxatan

Azadlığı hər şeydən üstün tutan Oxatanlar ailə həyatında özlərini sıxılmış hiss edə bilirlər. Səyahət, yenilik və fərdi həyat arzusu zamanla ailədaxili problemlərə, hətta ayrılığa səbəb ola bilər.

Qoç

Emosiyalarını idarə etməkdə çətinlik çəkən Qoçlar tez alovlanır, tez də əsəbləşirlər. Tələskən qərarlar və aqressiv davranışlar ailə münasibətlərini sarsıda, boşanmaya qədər gətirib çıxara bilər.

Dolça

Müstəqilliyinə həddindən artıq bağlı olan Dolçalar ailə daxilində məsafəli davranışları ilə tanınır. Duyğularını açıq ifadə etməmələri qarşı tərəfdə soyuqluq hissi yarada bilər və bu da ailənin dağılmasına zəmin hazırlayır.

Əqrəb

Qısqanclıq və nəzarət ehtiyacı Əqrəblərin ən zəif nöqtəsidir. Həddindən artıq şübhə və emosional təzyiq ailə daxilində gərginliyə səbəb olur.

Astroloqlar vurğulayır ki, bürclər yalnız ümumi meylləri göstərir. Ailə münasibətlərinin uğuru qarşılıqlı hörmət, anlayış və səbir kimi insani dəyərlərdən asılıdır. Bürc uyğunluğu isə sadəcə əlavə bir faktordur./milli.az

Ən çox ailəsi dağılan BÜRCLƏR