Pelenin 1958-ci il Dünya Kuboku finalında geyindiyi 10 nömrəli əfsanəvi mavi forma Nyu-Yorkda hərraca çıxarılacaq. “Sotheby's” onun dəyərini altı milyon dollardan çox qiymətləndirir.

Sfera.az bildirir ki, proqnozlaşdırılan qiymət təsdiqlənərsə, forma futbol tarixinin ən bahalı idman əsərlərindən birinə çevriləcək.

1958-ci ildə 17 yaşlı Pele bu formanı Dünya Kubokunda İsveçə qarşı finalda geyinib. Braziliya 5-2 hesabı ilə qalib gəlib. Gələcək futbol əfsanəsi iki qol vuraraq ölkəsinin ilk Dünya Kuboku titulunu qazanmasına kömək edib. Pele həmin turnirdə dörd matçda altı qol vurub.

Forma uzun müddət futbolçunun ailəsində qalıb və 1993-cü ildə Braziliyanın “Edvaldo Alves Santa Rosa” İdman Muzeyinə bağışlanıb. 2004-cü ildə forma ilk dəfə Londonda 59.000 funt sterlinqə hərraca çıxarılıb.

Pelenin forması 6 milyon dollardan çox dəyərində qiymətləndirilib. Müqayisə üçün, Dieqo Maradonanın məşhur "Tanrının əli" qolunun vurulduğu 1986-cı il Dünya Kuboku matçından olan forması 9,3 milyon dollara satılıb. Lionel Messinin 2022-ci il Dünya Kuboku formalarından altısının kolleksiyası 7,8 milyon dollara satılıb.

“Sotheby's” formanı satışdan əvvəl ictimaiyyətə nümayiş etdirəcək. Forma 1 iyuldan etibarən 2026-cı il Dünya Kuboku zamanı hərrac evinin yeni Manhettendəki qərargahında nümayiş olunacaq. Hərrac 16 iyulda başa çatır.

Aynil

Futbol tarixinin ən bahalı yadigarı - FOTO