Bu gün səhər Finlandiyanın paytaxtı Helsinkidə məktəblərin birində (Vantaa, Viertola) ölümlə nəticələnən atışma baş verib.

Sfera.az bildirir ki, məktəbdə baş verən atışma zamanı 12 yaşlı uşaq həlak olub, daha iki uşaq isə ağır yaralanıb. Uşaqların sinif yoldaşı olan şübhəli atışmadan dərhal sonra qaçsa da, tezliklə həbs edilib. O, Helsinki ətrafında saxlanılıb.

Yerli polisin məlumatına görə, yeniyetmə yaxın qohumuna məxsus lisenziyalı tapançadan atəş açıb. Saxlanılan zaman o, günahını etiraf edib.

Polis yeniyetmənin ilkin alsa da, yaxın günlərdə cinayətin şahidlərin dinlənilməsi ilə istintaq davam etdiriləcək. Polis məktəbdə də texniki müayinə və araşdırma aparıb. Araşdırmalar davam edəcək.

"Polis digər məsələlərlə yanaşı, hərəkətin motivini və insidentə səbəb olan hadisəni də araşdırır" - deyə polisdən bildirilib. 

Xəstəxanada olab şagirdlərin vəziyyəti ağır qiymətləndirilir. 

"Şagirdlərin vəziyyəti ilə bağlı əlavə məlumat və ya dəyişiklik yoxdur". 

Eyni zamanda, milli polisin rəhbəri Seppo Kolehmainen Vantaada keçirdiyi mətbuat konfransında Finlandiya cəmiyyəti və müvafiq qurumların əvvəlki məktəb atışmalardan da artıq dərs almağa çağırıb.

İndiyə qədər Finlandiyada məktəbdə baş verən atışmalar

2008-ci ildə tələbə Matti Saari Finlandiyanın şimal-qərbindəki Kauhajoki şəhərindəki peşə məktəbinə atəş açıb. O, özünə atəş etməzdən əvvəl doqquz tələbəni və bir işçini öldürüb.

2007-ci ildə Pekka-Erik Auvinen Helsinki yaxınlığındakı Cokela Liseyində tapança ilə altı şagirdi, bir məktəb tibb bacısını, direktoru və özünü güllələyib.

Finlandiyada əvvəllər məktəbdə baş verən atışmalar ölkənin silah siyasətinə etirazlara səbəb olub. 
2010-cu ildə Finlandiya bütün odlu silah lisenziyası iddiaçıları üçün qabiliyyət imtahanı tətbiq etməklə silah qanunlarını sərtləşdirib. Abituriyentlər üçün yaş həddi 18-dən 20-yə dəyişdirilib.

5,6 milyon əhalisi olan Finlandiyada ovçuluq və atıcılığın populyar fəaliyyət olduğu ölkə hesab edilir. Burada 1,5 milyondan çox lisenziyalı odlu silah və 430 minə yaxın lisenziya sahibi var.

Aysel

Sfera.az