Bölgələrdə banklara inam zəifdir? - Əmənətlərin 88 faizi Bakıda yerləşdirilib
Azərbaycan banklarında əhaliyə məxsus olan vəsaitlərin 88 faizi Bakıda yerləşdirilib.
Sfera.az Mərkəzi Banka istinadən xəbər verir ki, 2024-cü ilin martın 1-də banklarda 13,3 milyard manata yaxın əmanət olub.
Bu qədər vəsaitin 11,75 milyard manatı, yəni 88,3 faizi paytaxtda olan bank filiallarına yerləşdirilib. Qalan hissə (1,55 milyard manat) bölgələrdə banklara əmanət olunub.
Regionlarda banklara az əmanət yerləşdirilməsinin bir çox səbəbi ola bilər. Bunlar arasında əhalinin gəlir səviyyəsini, maliyyə savadlılığını qeyd etmək olar. Lakin istənilən halda Bakıda qoyulan əmanətin həcminin bölgələrlə müqayisədə 7-8 dəfə çox olmasını sadəcə sadalanan səbəblərlə əlaqələndirmək mümkün deyil. Belə anlaşılır ki, bölgələrdə insanlar öz vəsaitlərini banklara etibar etməkdən çəkinirlər.
Maraqlıdır ki, Bakı ilə müqayisədə bölgələrdə yerləşdirilən əmanətlər üzrə faizlər daha yüksəkdir. Bakıda əmanətlər üzrə orta faiz dərəcəsi 3,68 faiz olduğu halda, bölgələrdə əsasən 4-5 faiz səviyyəsində dəyişir.
Vasif
