Bu il təkcə 15 milyon turist qəbul edən Dubay dünyanın ən populyar səfər məkanlarından biridir. Şəhər nə qədər müasir və açıq görünsə də, həm yerli sakinlərin, həm də qonaqların ciddi cərimələrdən və hətta həbs cəzasından yayınmaq üçün riayət etməli olduğu xüsusi qaydalar mövcuddur.

İctimai yerlərdə sərxoşluğun qadağan edilməsi və açıq geyimlə bağlı tələblər geniş şəkildə tanınsa da, çoxlarının xəbərsiz olduğu başqa qanunlar da var.

Sfera.az xəbər verir ki, Tatyana Skoryna adlı qadın “TikTok”da Dubaya səfər edən turistlərin adi görünən davranışlara görə böyük cərimələrlə üzləşə biləcəyini göstərən beş az tanınan qanunu paylaşaraq xəbərdarlıq edib.

BƏƏ-yə köçən ukraynalı qadının dediyinə görə, turistlərin tez-tez etdiyi məşhur piyada vərdişi baha başa gələ bilər. O bildirir ki, müəyyən olunmuş piyada keçidi olmayan yerdən yolu keçmək 80 funt sterlinqdən çox cərimə ilə nəticələnir.

Videoda Tatyana həmçinin vurğulayır ki, kimsənin razılığı olmadan onun şəklini çəkərkən yaxalanmaq 103 funt sterlinq cəriməyə və hətta həbs cəzasına səbəb ola bilər.

Dubayda həm sakinlər, həm də turistlər üçün qadağan olunan digər bir davranış avtomobili ictimai yerdə yumaqdır. Qadın qeyd edir ki, bu da qanunsuzdur və 100 funt sterlinqdən çox cərimə tətbiq oluna bilər.

Zibil atmaq da ciddi şəkildə cəzalandırılır. Küçəyə plastik şüşə və ya digər tullantıları atanlar 100 funt sterlinqdən artıq cərimə ödəməli olurlar.

Tatyana son olaraq qonaqları və yerli əhalini ictimai yerlərdə yatmamaq barədə xəbərdar edir. Yorğun olsanız belə, parkda mürgüləmək əvəzinə evə getmək və ya yaxınlıqdakı kafedə oturmaq tövsiyə olunur. Bu qaydanı pozanlardan 62 funt sterlinq cərimə tutulur.

Aynil

Həbsxanaya düşə bilərsiniz: Dubayda çoxlarının bilmədiyi 5 qanun