Süni intellekt sahəsindəki təşəbbüsləri ilə investorların diqqətini çəkən "Microsoft"un səhmləri yeni ildə 1,5 faiz artaraq 2,888 trilyon dollar bazar dəyərinə çatıb.

Sfera.az xəbər verir ki, "Apple" isə 0,3 faiz itki ilə bazar dəyərini 2,887 trilyon dollara endirib. Beləliklə, "Apple" 2021-ci ildən bəri ilk dəfə bazar dəyəri baxımından "Microsoft"dan aşağı düşüb.

Son səhm qiymətlərinə nəzər salsaq, ilin əvvəlindən Kaliforniyada yerləşən "Apple" şirkətinin səhmləri 3,3 faiz düşsə də, "Microsoft"un səhmləri 1,8 faiz artıb.

"Apple"ın ən böyük gəlir mənbəyi olan "iPhone" satışlarının, xüsusən də Çində zəif qalacağına dair narahatlıqlar səhm performansına mənfi təsir göstərir.

İnvestisiya broker şirkəti "Redburn Atlantic" müştərilərinə göndərdiyi məlumat qeydində canlanan "Huawei" rəqabətinə və "Apple"a təzyiqi artıran Çin-ABŞ gərginliyinə işarə edərək, "Çin gələcək illərdə şirkətin performansına mənfi təsir göstərə bilər" deyib. Dekabrın 14-də səhmlərinin dəyəri 3 milyard 81 trilyon dollara çatmış "Apple" ili 48 faiz artımla bağlayıb.

"ChatGPT" istehsalçısı "OpenAI"nin sərmayəsi sayəsində 2023-cü ildə süni intellektlə dəstəklənən alətləri işə salan "Microsoft"un səhmləri isə keçən il 57 faiz dəyər qazanıb.

Əzizə