İranda ərini qətlə yetirməkdə təqsirli bilinərək edama məhkum edilən Samirə Sabzian asılaraq edam edilib. İranda "uşaq gəlin" kimi tanınan 29 yaşlı Samirə Səbzian on ildir həbsdə idi. Bu, təkcə bu ildə İranda sayca 18-ci qadın edamıdır.
 

Sfera.az xəbər verir ki, Samirə 15 yaşında ailə qurub və yaxınlarının dediyinə görə, sistematik olaraq məişət zorakılığına məruz qalıb. O, 19 yaşında ərini öldürdüyünə görə həbs olunub. Məhkəmə Samiraya dərhal ölüm hökmü çıxarsa da, bürokratik səbəblərdən onun icrası təxirə salınıb.
 

Edam Tehranın Kərəc qəsəbəsində, ölkənin ən böyük həbsxanalarından biri olan “Gezel Xesar” həbsxanasında həyata keçirilib.


Samirənin həbs olunan zaman iki övladı olub. Onlardan biri körpədir. Hökmünü gözləyən həbsxanada olduğu 10 il ərzində ona yalnız bir dəfə (bu il dekabrın əvvəlində), edamından bir qədər əvvəl uşaqları ilə görüşə icazə verilib.
 

İran insan haqları təşkilatının rəhbəri Mahmud-Amiri Moqaddam deyib:


“Samirə illər boyu gender aparteidinin, uşaq evliliyinin və məişət zorakılığının qurbanı olub. Bu gün o, bu rejimin səriştəsiz və korrupsiyalaşmış öldürmə maşınının qurbanı olub”.
 

Böyük Britaniyanın xarici işlər nazirinin müavini Tariq Əhməd edam ərəfəsində sosial şəbəkədə yazıb:
 

"Samirə uşaq nikahının qurbanıdır. İran qadınlara və qızlara qarşı dəhşətli rəftarını dayandırmalıdır".


Hüquq müdafiəçilərinin bildirdiyinə görə, İranda son vaxtlar edamların sayı xeyli artıb və təkcə bu ilin noyabrında 115 nəfər edam edilib.
 

Nə qədər acı da olsa, edam edilən iranlı qadınların 66%-i ərlərini öldürməkdə günahlandırılıb. İran qanunlarına görə, qadın məişət zorakılığının qurbanı olsa belə, heç bir halda boşana bilməz. Qeyd edək ki, İranın hüquq sistemində qadına münasibətdə ehtiras qızğınlığında adam öldürmə kimi nüanslar yoxdur və cinayətə səbəb olan hallar da nəzərə alınmır. Qadınlar üçün isə yeganə ifadə verilir, onlar birbaşa cəzaya məhkum edilirlər.


Ölümə məhkum edilən qadınlar çox vaxt "ailə namusu" hesab etdiklərini qorumağa üstünlük verən valideynlərinin dəstəyindən belə məhrum olurlar.

Aysel

Sfera.az