Rus hərbçilər mülki geyimdə cəbhə xəttindən qaçırlar
Zaporojye istiqamətində rus hərbçiləri cəbhə xəttindən qaçır, hətta mülki geyimə keçirlər.
Sfera.az bildirir ki, bu barədə sentyabrın 27-də Melitopol meri İvan Fedorov öz teleqram kanalında məlumat verib.
Rus işğalçıları cəbhə xəttindən qaçaraq öz aralarında döyüşlərə başlayırlar.
Rusiya hərbçiləri fərariləri saxlamağa çalışır və işğal olunmuş şəhərlərdə öz aralarında döyüşlərə başlayırlar.
"Ukrayna Silahlı Qüvvələrinin hər bir uğurlu atışı Zaporojye istiqamətində işğalçıların motivasiyasını azaldır"- deyə Fedorov vurğulayıb.
O qeyd edib ki, rus işğalçıları fərariləri tutmaq üçün tədbirlərə əl atırlar, bunun üçün şəhərdən gələn demək olar ki, hər bir avtomobili yoxlayır və rus hərbçilərinin yaşadığı evlərdə axtarış aparırlar.
Bundan əlavə, Fedorov bildirib ki, münaqişələr rus işğalçıları arasında və çox vaxt etnik zəmində baş verir.
“Tokmakda hərbi polis “Rusiya ruslar üçün” şüarları ilə osetin və kabardiyalı ordu üzvlərini” döyüb”-deyə mer əlavə edib.
Fedorovun sözlərinə görə, ordusunun motivasiyasını gücləndirmək üçün Putin hətta Zaporojye istiqamətində döyüşən 58-ci Orduya “Qvardiya” adını da verib.
"Lakin bu, şübhəsiz ki, ruslara qalib gəlməyə kömək etməyəcək. Onlar fəxri adla qaçacaqlar"- deyə mer əmin edir.
Xatırladaq ki, daha əvvəl media Zaporojye vilayətinin qərbində Rusiya Silahlı Qüvvələrinin itkilərinin nəzərəçarpacaq dərəcədə artdığını bildirmişdi. Ekspertlər bu istiqamətə köçürülə bilən döyüşə hazır hissələrin çatışmazlığı ilə üzləşə biləcəyini irəli sürüblər.
Bundan əlavə, ruslar Melitopol istiqamətində “insan qalxanı” kimi dinc əhalinin arxasında gizlənməyə çalışırlar.
Aynil
Sfera.az
