Gürcüstan Daxili İşlər Nazirliyi "oğru dünyası" ilə əlaqəli 49 şəxsi saxlayıb və onlardan 14-nə, o cümlədən beş "qanuni oğru"ya qarşı qiyabi ittiham irəli sürüb.

Sfera.az xəbər verir ki, bu barədə Gürcüstan daxili işlər nazirinin müavini Aleksandr Daraxvelidze brifinqdə bildirib.

Daraxvelidzenin sözlərinə görə, onlar "oğru dünyasına üzvlük", "oğru iclasında iştirak", "oğru dünyasının fəaliyyətinə dəstək" və "oğru dünyasının üzvü ilə əlaqə saxlamaq"da ittiham olunurlar. Saxlanılanların əksəriyyəti əvvəllər müxtəlif ağır və xüsusilə ağır cinayətlərdə məhkum olunmuşdu.

"Hüquq-mühafizə orqanları tərəfindən son bir neçə ay ərzində hakimin qərarı əsasında aparılan gizli istintaq hərəkətləri nəticəsində əldə edilən sübutlar təqsirləndirilən şəxslərin xaricdə yerləşən "qanuni oğrular"la əlaqədə olduqlarını və onların əmrlərini yerinə yetirdiklərini və "oğru dünyası"nın fəaliyyətlərində fəal iştirak etdiklərini müəyyən etdi.

Həmçinin, təqsirləndirilən şəxslərin və mübahisə edən tərəflərin iştirakı ilə Gürcüstanda və xaricdə müxtəlif vaxtlarda xaricdə yerləşən "qanuni oğrular"ın da iştirak etdiyi "oğru qarşıdurmaları" təşkil edildiyi müəyyən olundu", - deyə Daraxvelidze bildirib.

Onun sözlərinə görə, təqsirləndirilən şəxslərin evlərində axtarışlar nəticəsində polis onların bir-biri ilə və xaricdəki "qanuni oğrular"la ünsiyyət qurmaq üçün istifadə etdikləri kompüter avadanlıqlarını və mobil telefonları sübut kimi müsadirə edib. Axtarışlar zamanı odlu silahlar da götürülüb.

Aleksandr Daraxvelidze bildirib ki, "İstintaq Cinayət Məcəlləsinin 223-cü maddəsi, 223-cü maddəsi, 223-cü maddəsi və 15 ilə qədər həbs cəzası nəzərdə tutan 223-cü maddəsi ilə aparılır"./ unikal

Gürcüstan polisi "oğru dünyası" ilə əlaqəli 49 nəfəri saxladı