Dünyada bəzi qidalar var ki, düzgün hazırlanmadıqda və ya təhlükəsizlik qaydalarına əməl edilmədikdə ciddi zəhərlənməyə, hətta ölümə səbəb ola bilər. Bu məhsulların bir qismi xüsusi emal və peşəkar hazırlıq tələb edir. Əks halda onların tərkibindəki təbii toksinlər həyati risk yaradır.

Sfera.az bu qidaları təqdim edir:

Kürək balığı

Kürək balığı Yaponiya mətbəxində məşhur delikates hesab olunur. Lakin balığın qaraciyəri, yumurtalıqları və bəzi daxili orqanlarında tetrodotoksin adlı son dərəcə güclü zəhər mövcuddur. Bu maddə sinir sistemini iflic edərək nəfəsalmanı dayandıra bilər. Məhz bu səbəbdən Yaponiyada fugu yalnız xüsusi lisenziyası olan aşpazlar tərəfindən hazırlanır.

Ackee meyvəsi

Ackee Yamaykanın milli meyvəsidir. Lakin yetişməmiş halda yeyildikdə tərkibindəki hipoglisinin maddəsi ağır zəhərlənməyə səbəb olur. Bu hal tibbdə “Yamayka qusma sindromu” kimi tanınır və qusma, qanda şəkərin kəskin enməsi, huşun itməsi ilə nəticələnə bilər. Ağır hallarda ölüm riski də mövcuddur.

Maniok (kassava)

Kassava (maniok) Afrika və Latın Amerikası ölkələrində əsas qida məhsullarından biridir. Lakin bitkinin tərkibində sianogen birləşmələr var. Düzgün isladılmadıqda və bişirilmədikdə bu maddələr hidrogen sianidinə çevrilə bilər. “World Health Organization” məlumatına görə, hər il yüzlərlə insan maniokun düzgün emal edilməməsi səbəbindən zəhərlənmə halları ilə üzləşir və bəzi hallarda ölüm faktları qeydə alınır.

Sannakji (çiy meduza)

Sannakji Cənubi Koreya mətbəxinə aid yeməkdir. Bu yeməkdə hələ də hərəkət edən çiy meduza tentaklları servis edilir. Tentakllar udularkən nəfəs yollarına yapışaraq boğulma riski yarada bilər. Hər il bir neçə belə ölüm hadisəsinin qeydə alındığı bildirilir.

Konnyaku jeleli konfetlər

Konnyaku jeleli konfetlər elastik və sürüşkən quruluşuna görə xüsusilə uşaqlar üçün risklidir. 2000-ci illərin əvvəllərində ABŞ-də baş verən boğulma hadisəsindən sonra bir sıra ölkələrdə bu məhsullara dair xəbərdarlıqlar gücləndirilib, bəzi yerlərdə isə idxal məhdudiyyətləri tətbiq olunub.

Fidan Hacızadə

Sfera.az

Bu qidalar ölümcül ola bilər - ADLAR