Mart ayının bürclər üzrə proqnozu astroloji mövzulara maraq göstərənlər üçün açıqlanıb. Astroloq Aygül Aydın martda Qoç, Buğa, Əkizlər, Xərçəng, Şir, Qız, Tərəzi, Əqrəb, Oxatan, Oğlaq, Dolça və Balıqlar bürclərini hansı proseslərin gözlədiyini ətraflı izah edib. Sevgi, ailə, sağlamlıq, karyera və maliyyə sahələrində mart ayı hansı dəyişiklikləri vəd edir?

Sfera.az xəbər verir ki, ayın astroloji mənzərəsi kifayət qədər hərəkətlidir. 2 martda Mars Balıqlar bürcünə keçir. 3 martda Qız bürcündə Ay tutulması baş verir. 6 martda Venera Qoça keçir. 11 martda Yupiter Xərçəngdə düz hərəkətə qayıdır. 19 martda Balıqlarda yeni ay formalaşır. 20 martda Günəş Qoça keçir, eyni gün Merkuri də Balıqlarda düz hərəkətə başlayır. 30 martda isə Venera Buğaya keçir.

Qoç

Mart sizin üçün sürət deyil, daxili səssizlik ayıdır. 2 martdan sonra Marsın Balıqlara keçidi ilə açıq mübarizə instinkti zəifləyir, yerini daha çox intuisiya və daxili hesabat verir. 3 martdakı Qız Ay tutulması gündəlik həyatınızda artıq yükə çevrilmiş vərdişləri kəsmək üçün siqnal olacaq. Sadələşdikcə gücləndiyinizi hiss edəcəksiniz.

Buğa

Qız bürcündə baş verən Ay tutulması sosial çevrədə süzgəc effekti yaradır. Enerjinizi alan münasibətlər arxa plana keçir. 19 martdakı Balıqlar yeni ayı ideallarınızı yeniləyir. Axına qarşı getməkdənsə, hadisələri olduğu kimi qəbul etdikcə doğru insanların həyatınıza daxil olduğunu görəcəksiniz.

Əkizlər

Mart karyera və ictimai mövqe ilə bağlı ciddi qərarlar ayıdır. Marsın Balıqlara keçidi sərt rəqabəti yumşaq, lakin təsirli liderliklə əvəz edir. 19 martdakı yeni ay peşə istiqamətində daxili çağırışı gücləndirir. Məntiqdən çox intuisiya danışacaq.

Xərçəng

Ayın əvvəlində inanc sistemi və dünyagörüşü yenidən nəzərdən keçirilir. Qız Ay tutulması yaxın ətrafla ünsiyyətdə artıq söz-söhbəti kəsməyə sövq edir. Fikirlərinizi daha sadə ifadə etdikcə zehni yüngüllük yaranır.

Şir

Mart maliyyə bölüşmələri və psixoloji gərginliklərlə bağlı təmizlənmə mərhələsi gətirir. 6 martdan sonra Veneranın Qoça keçidi yeni biliklər, səfərlər və fərqli mədəniyyətlərə marağı artırır. Öz mövqeyinizi daha inamla müdafiə edəcəksiniz.

Qız

3 martda sizin bürcdə baş verən Ay tutulması uzun müddət yığılan gərginliyi boşaldır. Başqalarını razı salmaq üçün qəbul etdiyiniz rollar aradan qalxır. 19 martdakı Balıqlar yeni ayı münasibətlərdə yeni səhifə açır. Qarşı tərəfi dəyişmək cəhdindən imtina etdikcə münasibətlər daha sağlam forma alır.

Tərəzi

Mart gündəlik rejim və sağlamlıqla bağlı düzəlişlər tələb edir. Daxili təmizlənmədən sonra diqqət münasibətlərə yönəlir. 6 martdan etibarən Venera Qoçda sizi daha açıq və sərhədlərini qoruyan mövqeyə gətirir. Sükutla razılaşmaq dövrü geridə qalır.

Əqrəb

Sosial mühit və gələcək planlar yenilənir. Martda kimlərlə yol getmək istədiyiniz aydınlaşır. Veneranın Qoça keçidi iş mühitində daha təşəbbüskar davranmağa təkan verir. Yaradıcılıq yüksəlir, məsuliyyət artır.

Oxatan

Qız Ay tutulması karyera sahəsində lazımsız öhdəlikləri gündəmə gətirir. Özünüzə uyğun olmayan hədəflərdən uzaqlaşmaq ehtiyacı yaranır. Uğur anlayışı dəyişir, daha şəxsi və real çərçivə qazanır.

Oğlaq

Mart düşüncə sərhədlərini genişləndirmək ayıdır. 19 martdakı Balıqlar yeni ayı ünsiyyət tərzində yenilənmə yaradır. Sərt məntiqi yanaşma yumşalır, sözləriniz daha təsirli olur. Yaxın çevrədə münasibətlər güclənir.

Dolça

Ayın əvvəlində daxili və maliyyə mövzularında dərin təmizlənmə gedir. 6 martdan sonra ünsiyyət sürətlənir. Fikirlərinizi açıq şəkildə ifadə etməkdən çəkinməyəcəksiniz. Təhsil və müqavilə mövzularında ciddi qərarlar mümkündür.

Balıqlar

Mart sizin üçün dönüş nöqtəsidir. 2 martdan sonra Marsın bürcünüzə keçidi enerji və cəsarət gətirir. 3 martdakı Ay tutulması münasibətlərdə həqiqi mənzərəni üzə çıxarır. 19 martda bürcünüzdə baş verən yeni ay şəxsi həyatınızda yenilənmə mərhələsi açır. Köhnə qorxular geridə qalır, yeni istiqamət formalaşır./demokrat.az

Martın şanslı bürcləri açıqlandı