Dözülməz istilərdə ayı balası ilə yaşayış evinin hovuzuna girdi - VİDEO
Amerikalılar son illərin ən pis isti dalğalarından biri zamanı yüksək temperaturla mübarizə yollarını axtarırlar. Kaliforniyada lentə alınan görüntülərdə, heyvanlar da eyni şeyi etməyə çalışırlar.
Sfera.az bildirir ki, Kaliforniyanın cənubunda bir ev sahibi öz hovuzunda ayı və balanın üzdüyünü videoya çəkib.
Kaliforniyada ayılar evin ərazisinə girərək, sərinləmək qərarına gəliblər.
Evin sahibi hovuzunda sərinlənən vəhşi heyvanların videosunu çəkib.
Bu hadisə ötən çərşənbə günü, iyulun 26-da havanın temperaturunun təxminən 33 dərəcə Selsiyə çatdığı vaxt baş verib.
Kadrlarda açıq hovuzda qəhvəyi ayıların sıçraması görünür.
Meteoroloqların məlumatına görə, ABŞ-ın Orta Qərb, Şimal-Şərq və cənub bölgələrindəki ştatlarda istilər təxminən bir həftə davam edəcək.
Videoda ayılar hovuzun kənarında oynayır, daha sonra isə ayı suya düşür və su sıçrayır.
Ayılar suda qısa müddət oynayır, sonra ayı balası kafelə çıxır. Video tezliklə viral olub və izlənmə rekordu qırıb.
Yüksək istilər və insanların açıq havada daha çox vaxt keçirməsi səbəbindən Kaliforniyada oxşar səhnələrin görülmə ehtimalının artdığı bildirilir.
Milli Park Xidməti ayılarla məsafə saxlamağı, heyvanı qorxuda biləcək qəfil hərəkətlərdən çəkinməyi tövsiyə edir.
Qeyd edək ki, ayı hücumları nisbətən nadirdir. Əksəriyyəti yalnız təhlükə hiss etdikdə, balalarını və ya yeməklərini qorumaq üçün aqressiya nümayiş etdirir.
Aynur
Sfera.az
