Erməni deputat bayrağımızı yandıranı “axmaq” adlandırdı: “Kişisənsə...”
"Azərbaycan heç vaxt öz ölkəsində bayrağımızı yandırmayıb, bizdən daha mədəni olub. Bizim isə bayraq yandıran bir axmağı alqışlamağımız, vətənpərvər addım atdığını bəyan etməyimiz gülüncdür".
Sfera.az xəbər verir ki, bunu Ermənistan parlamentinin Mülki Müqavilə Fraksiyasının deputatı Akop Aslanyan bildirib. Deputat ağır atletika üzrə Avropa çempionatının açılış mərasimində Azərbaycan bayrağını yandıran şəxsin emosionallığa qapıldığını deyib:
"Bəziləri deyir ki, baxın, Macarıstanda azərbaycanlılar bunu etdi, Çexiyada ermənilərə belə etdilər. Bu axmaqlar başa düşə bilmir... Bəli, əgər kişisənsə, bu hərəkəti kənarda da edə bilirsən, təkcə öz ölkəndə yox", - deputat deyib.
Qeyd edək ki, A.Aslanyanın bu çıxışı erməni ictimaiyyətini qəzəbləndirib.
Əzizə Zeynal