2022-ci ildə Rusiyanın Ukraynaya hərbi müdaxiləsi, bununla əlaqədar Rusiyaya ağır sanksiyaların tətbiq edilməsi, həmçinin ölkədə qismən səfərbərliyin həyata keçirilməsi burada fiziki şəxslər tərəfindən Azərbaycana pul köçürmələrinin kəskin şəkildə artmasına səbəb olub. 

Sfera.az Azərbaycan Mərkəzi Bankına istinadən xəbər verir ki, fiziki şəxslər tərəfindən ötən il ərzində ölkəmizə 3,62 milyard dollar dəyərində pul köçürülüb. 
2021-ci illə müqayisədə köçürülən pulun məbləği 3,19 dəfə artıb. 

Pul köçürmələrindəki artımın əsas hissəsi Rusiyadan köçürmələrin payına düşüb. Ötən il Rusiyadan fiziki şəxslər tərəfindən 2,969 milyard dollar köçürülüb. Bu məbləğ 2021-ci ildə köçürülən məbləğdən 4,76 dəfə çoxdur.  

2021-ci ildə Azərbaycana köçürülən pulun 55 faizi Rusiyadan göndərildiyi halda, ötən il onun payı 82 faizə yüksəlib. 

Pul köçürmələrində ciddi artım müşahidə edilən ölkələrdən biri də ABŞ-dir. ABŞ-dən köçürülən pulun məbləği bir il ərzində 72,5 milyon dollardan 155 milyon dollara qədər artıb. 

Vasif