Çin hökuməti ailələrdə daha çox uşağın olması üçün təşviqləri genişləndirəcək. 

Sfera.az “The Telegraph”a istinadən xəbər verir ki, Çinin rəsmi qurumlarının məlumatına əsasən, 2023-cü ilin yanvarında ölkədə hər 1000 nəfərə düşən doğuş sayı 6,77-yə enib. Müqayisə üçün bildirək ki, Azərbaycanda bu göstərici 11,9-dur. 

Çində doğum səviyyəsinin bu qədər azalmasına səbəb 1980-ci ildən 2015-ci ilə qədər təkuşaqlılığın tətbiq edilməsi ilə bağlı sərt siyasətin yeridilməsidir. Bu siyasətə əsasən, valideynlər daha çox uşaq sahibi olduqda cərimələnir, hətta işini itirirdilər. 

İndi Çin hökuməti doğumu artırmaq üçün səylər göstərir və bu məqsədlə gənc ailələri təşviq edəcək. Stimullaşdırıcı variant kimi ailələrdə uşaq sayının artırılması üçün valideynlərə daha çox məzuniyyət verilməsi, təhsil haqlarının azaldılması, ali təhsil müəssisələrinə qəbulda üstünlük verilməsi nəzərdə tutulur.

Vasif