ABŞ-da süni intellektlə dəstəklənən söhbət botu “ChatGPT”nin mindən çox peşəyə təsiri araşdırılıb.

Sfera.az xarici mətbuata istinadən bildirir ki, nəticələr peşələrin 15 faizinin təhlükə altında olduğunu göstərib. 

Xüsusilə proqram təminatçısı və jurnalist kimi çalışanların işsiz qala bilərlər. Çünki süni intellektlə eyni işlər daha sürətli və yüksək keyfiyyət səviyyəsində həyata keçirilə bilər.

Yeni araşdırmaya görə, “ChatGPT” kimi süni intellekt sistemləri ABŞ-dakı iş yerlərinin 80 faizinə təsir edəcək. İşini itirəcək peşə qruplarına şəxsi maliyyə məsləhətçiləri, brokerlər, sığortaçılar, məlumat emalçıları və jurnalistlər daxildir.

Bu barədə xəbərdarlıq “ChatGPT”ni istehsal edən “OpenAI” şirkəti ilə Pensilvaniya Universitetinin əməkdaşlıq etməsindən sonra edilib. Tədqiqatçılar müəyyən ediblər ki, “ChatGPT”nin ilk qurbanları arasında ildə ən azı 80 000 dollar qazanan riyaziyyatçılar, mühasiblər və yazıçılar olacaq. 

Araşdırmada iştirak edən “OpenAI” tədqiqatçısı Pamela Mişkin deyib: "GPT bu gün çox şey edə bilər. Son bir neçə ildə biz onun getdikcə mürəkkəbləşən vəzifələrin həllində daha yaxşı olduğunu gördük. Bu araşdırma hazırda mövcud olan hər hansı bir modeli deyil, bu tendensiyanı araşdırır”.

Qeyd edək ki, tədqiqat çərçivəsində 1 016 peşə və onlarla bağlı 19 265 tapşırıq təhlil edilib. Bundan əlavə, tədqiqatda ABŞ Əmək Statistikaları Bürosu tərəfindən təqdim olunan 2020 və 2021 Peşə Məşğulluğu seriyasında yer alan əmək haqqı məlumatlarından istifadə edilib. Komanda daha sonra texnologiya tərəfindən həyata keçirildikdə hansı tapşırıqların daha rahat işlənə biləcəyini görmək üçün məlumatları AI imkanları ilə çarpaz təhlil edib. Tədqiqatın nəticələri göstərib ki, "iş tapşırıqlarının ən azı 10 faizi süni intellektin tətbiqindən təsirlənir, işçilərin təxminən 19 faizinin isə tapşırıqlarının ən azı 50 faizi təsir altında olacaq".

Mütəxəssislər, aktiv dinləmə, danışma və tənqidi düşünmə kimi süni intellektin yerinə yetirmək üçün nəzərdə tutulduğu peşələrdə əsas bacarıqların daxil olduğu risk altındakı işlərin siyahısını tərtib edərkən məruz qalma məsələsinə baxıblar. Tədqiqat 86 peşənin süni intellektə "tam məruz qaldığını" müəyyən edib, bir neçəsində  isə bu, 100 faiz olaraq müəyyənləşib. Bunlara hüquq katibləri, klinika məlumat menecerləri, veb dizaynerləri və jurnalistlər daxildir.

Lakin qrafik dizaynerlər, marketinq strateqləri və maliyyə menecerləri 15 faizdən aşağı nəticə göstəriblər.

Qabyuyanlar, elektrik ustaları və bərbərlər də süni intellekt təhlükəsindən uzaqdırlar.

Əczaçıların, vəkillərin və astronomların orta gəliri 81 980 dollar olsa da, bu peşələrin də yüksək riskə malik olmadığı aşkar edilib. 

Lalə

Sfera.az