Moskvada Andrey adlı 50 yaşlı satıcı 2022-ci ilin fevralından sentyabr ayına qədər sistemli şəkildə lotereya biletlərinin oğurlanması ilə məşğul olub.
 

Sfera.az bildirir ki, işlədiyi müddətdə həmin şəxs təxminən 12 min lotereya bileti oğurlayıb. Lakin heç biri ona gözlədiyi qələbəni gətirməyib.
 

Müstəntiqlərin məlumatına görə, 2022-ci ilin fevralından sentyabr ayına qədər Moskva sakini 1,3 milyon rubl dəyərində 11 979 bilet oğurlayıb, lakin onların arasında uduşlu bilet olmayıb. İndi 50 yaşlı kişi xüsusilə böyük miqyasda dövlət əmlakı mənimsəmədə ittiham olunur. Andreyi on ilə qədər həbs cəzası gözləyir.


Ancaq başqa ölkənin sakinləri daha şanslı olublar. Filippində dövlət lotereyasında bir dəfəyə cekpotu 433 nəfər udub. Nəticədə insanlar 236 milyon peso (təxminən 4 milyon dollar) öz aralarında bölüşdürməli olublar. Lotereyanın nəticələri qaliblər arasında narazılıq və hiddətə səbəb olub. İnsanlar tirajın bu qeyri-mümkün nəticəsinin araşdırılmasını tələb edib.


Bir riyaziyyatçı alim köməyə gəlib. Alim əmin edib ki, bilet alan hər kəsin bütün mümkün kombinasiyaların hər birini seçmək şansı bərabərdir. Bəzi nömrə birləşmələrinin digərlərindən daha populyar olduğu çoxdan müşahidə edilib.
 

O hesab edir ki, qazanan nömrələrə - 9, 18, 27, 36, 45 və 54-ə diqqət yetirməyə dəyər. Riyaziyyatçının fikrincə, insanların diqqətini böyük ehtimalla məhz bu naxış cəlb edib.
 

Həmçinin Avstraliyada kişi 26 milyon dollarlıq cekpotu az qala itirəcəkdi. Qərbi Avstraliya sakini bəxtiyar olub. “Powerball” lotereyasının qalibi tirajdan cəmi bir neçə saat əvvəl uğurlu bileti alıb, daha sonra onu yoxlamağı unudub.

İki həftə sonra o, mağazaya qayıdarkən insanların Powerball cekpotunun yeni sahibi haqqında danışdıqlarını eşidib. Bundan sonra həmin şəxsin yadına biletindəki nömrələri yoxlamaq düşüb və sonuncu tirajın qalibinin özü olduğunu görüb. Onun uduşları təxminən 26,5 milyon dollar təşkil edib. Avstraliyada lotereya qaliblərinə uduşlarını tələb etmək üçün ümumiyyətlə 12 ay vaxt verilir. Bu müddət COVID-19 səbəbindən bir qədər də uzadılıb.
 

Ancaq kişi külli miqdarda pul əldə etsə də, həyat tərzini kökündən dəyişmək niyyətində deyil. O, ailəsi ilə birlikdə bu hadisəni balıq və cips yeməyi ilə qeyd edib. Bundan əlavə, o, səyahət etməyi və dünyanı görməyi planlaşdırır. Sadəcə bu dəfə bunu biznes class uçuşları ilə həyata keçirməyi düşünür.
 

Bu adam Avstraliyada son vaxtlar yeganə böyük lotereya qalibi deyil. Avstraliyanın Dapto şəhərindən olan ər və arvad iki eyni lotereya bileti alaraq 2 milyon dollar qazanıblar. Qadın etiraf edib ki, ilk qələbəsini biləndə qışqırıb, əri isə uduşlarını ikiqat artırdıqlarını deyəndə az qala huşunu itirib. Hər bir lotoreya bileti cütlüyə bir milyon dollar qazandırıb.

Aysel

Sfera.az