"Nə İran, nə də Rusiya..." - Ərdoğanda İraq hökumətinə sərt mesajlar

 

Avropa.info xəbər verir ki, bunu Türkiyə prezidenti Rəcəb Tayyib Ərdoğan  Türk Silahlı Qüvvələrinin  İraqdakı  Başika  düşərgəsindən çıxıb-çıxmayacağı  sualına cavab verərkən deyib.

Ərdoğan bir daha  İraqın baş naziri  Heydər  əl İbadinin  Türkiyə səfəri zamanı onlardan yardım istəməsinə diqqət  çəkib.

" 2014-cü ildə İbadinin xahişi əsasında oraya  təlim keçmək üçün əsgər göndərmişik. İraq rəsmiləri də Başkiada qurduğumuz düşərgəni ziyarət ediblər. Bunların içində İraqın müdafiə naziri də olub."

Ərdoğan Rusiya, İran, İraq və Əsəd rejiminin bir ittifaq qurduğunu və Putinin Türkiyəni də həmin ittifaqa çağırdığını deyib. 

"Mən  Putinə  dedim ki,  biz  dövlət olaraq qanuni hakimiyyət hesab etmədiyimiz Əsəd rejimi ilə eyni masada necə oturaq? Bizim bu ittifaqda iştirak etməyimiz mümkün deyil. Bu bizim işimizin nə qədər haqlı olduğunu göstərdi."

Türkiyə prezidenti İraq hökumətinin tələblərini Türkiyənin Rusiya təyyarəsini vurması ilə əlaqələndirib.

 

"Əlbəttə  məlum təyyarə olayından sonra, vəziyyət gərginləşdi. Rusiya BMT-yə  türk əsgərlərinin İraqdakı varlığı ilə bağlı  şikayət etdi və bu müraciət  rədd edildi.  Daha sonra İraq hökuməti analoji addımı  atdı. Qərar belə oldu ki, iki ölkə arasında bu məsələni həll etsin. Mənim  Barak Obamayla da bu məsələ ilə bağlı telefon danışığım oldu. Baxın biz illərdir, mən  baş nazir olduğum  dövr də daxil olmaqla İraq ərazisindən terror təhdidi alırıq. PKK-nın  terror təhlükəsinə qarşı biz İraq tələb edirik, tədbir görsünlər. Baxın  həm  İraqın Qəndil ərazisində  həm də İran ərazisində PKK terrorçularının düşərgələri var. Bunlara müdaxilə etmək məcburiyyətindəsiniz. siz bunlara qarşı lazımi müdaxilə etməyəcəksinizsə  biz müdaxilə etmək məcburiyyətində qalacağıq dedik. 

 

Təəssüf ki, heç bir zaman  İraq hökuməti  PKK-ya  qarşı  tədbir görməmişdir. Hazırda  İŞİD  İraqın üçdə birini tutub. İraq hökuməti buna qarşı bir  tədbir görə bilirmi? İraq hökumətinə xatırladıram, bizim mövqeymiz, nə Rusiyanın, nə də İranın mövqeyi deyil.

 

Türkiyə hazırda 300 min iraqlını  qonaq edən bir ölkədir. Bunu nə İran  edir, nə də Rusiya. Bizim Başikada varlığımız  ilk növbədə Mosul xalqının çağırışı üzərinə atılmış bir addımdır"deyə Ərdoğan bildirib.