Ərdoğan Putinə sərt cavab verdi - sübutları var əlimizdə
04:19 / 30.12.2015
967
Bizimyol.info xəbər verir ki, Ərdoğan türk əsgərinin Mosula İraqın tələbi ilə göndərildiyini deyib. Rusiya, İran, İraq və Suriyanın Bağdadda dördlü ofis qurduğunu və Türkiyəni də bu qrupa daxil etmək istədiklərini dilə gətirən Ərdoğan, Rusiya prezidenti Vladimir Putinə cavab verib: "Qanuni bir dövlət olaraq qəbul etmədiyimiz Suriya ilə eyni masada otura bilmərik. Biz o dördlü ofisin içərisində, beşinci bir ölkə olaraq iştirak etmərik.
Rusiyanın Suriyadakı bombardmanını mərhəmətsiz bir şəkildə davam etdirdiyini və İŞİD-lə mübarizə yerinə suriyalı müxalif güclərin vurulduğunu deyən Ərdoğan, Putini yalan danışmaqda günahlandırıb: "Onlar deyir ki, biz İŞİD-i vururuq. Doğru danışmırlar. Bunların hamısının sübutları var əlimizdə. Onların kəşfiyyat xidməti varsa, bizim də "MİT"-imiz var. ABŞ kəşfiyyatı da işləyir. Dürüst olmaq lazımdır."
