"Miss Eco International" gözəllik müsabiqəsinin Ukraynalı təmsilçisi Anastasia Lahuta rus həmkarının yanında foto çəkdirməsi qalmaqala səbəb olub.

 

Sfera.az bildirir ki, Ukrayna təmsilçisi ilk 21-liyə düşə bilməyib, lakin sosial şəbəkələrdə şərhçilərin tənqidi başqa amillə əlaqələndirilib.

 

Sosial şəbəkələrdə qızların səhifələrində əvvəlcə paylaşım olub, lakin sonradan silinib.

 

Misirdə keçirilən “Miss Eco İnternational” adlı gözəllik müsabiqəsində bütün dünyadan 30 qız iştirak edib. Martın 3-də tədbirin növbəti mərhələsi keçib. Xarkovlu model ilk 21-liyə düşə bilməsə də, qalmaqala düşə bilib.

 

Model rus həmkarı Yevgeniya Parmenovanın yanında foto çəkdirib və misirli teleaparıcı Yasmine Saed bunu Facebook sosial şəbəkəsindəki səhifəsində yerləşdirib. Paylaşımda: 

 

“Miss Rusiya və Miss Ukrayna ilə müharibəni tanımayan dostluq” -yazılıb.

 

 Anastasiya Lakhuta paylaşımı repost edib.

 

 

 

 

Bu, şərhlərdə mənfi reaksiyalar doğurub, qız daha sonra üzr istəməli olub.

 

"Əziz ukraynalılar! Mən hamıdan üzr istəyirəm. Mənim Ukraynada öz qohumlarım var və onlara kömək edirəm. Əsgərlərimizə kömək edirəm. Amma bu, gözəllik yarışması idi. Bir nəfər isə bunu PR üçün etdi. İndi bununla məşğul olacam. Mən bu işin öhdəsindən gələcəm". Hər kəsə demək istəyirəm ki, mən Ukraynanı və qohumlarımı sevirəm! Müharibə şəraitində olan, həmçinin yardım göndərən insanlarla fəxr edirəm”-Anastasiya Laxuta İnstaqramda yazıb.

 

 

Misirli qadın da bir müddət sonra paylaşımını silib.

 

Xatırladaq ki, fevralın 3-də Rusiya KİV-i Rusiyadan olan “Miss Kainat” iştirakçısının ABŞ-da gizləndiyini və təhdidlər aldığını bildirmişdi. Anna Linnikova müsabiqədə Ukraynalı həmkarlarına orta barmaq göstərməsi ilə yadda qalmışdı. O, hətta təhlükəsizliyi üçün mühafizəçi işə götürməli olduğunu bildirib.

 

Aysel

Sfera.az