ÜST-dən COVİD-19-la bağlı ÇAĞIRIŞ: “Məlumatı olan varsa...”
Ümumdünya Səhiyyə Təşkilatı (ÜST) COVİD-19-un mənşəyi ilə bağlı yayılan məlumatlara reaksiya verib.
Sfera.az bildirir ki, qurumun baş direktoru Tedros Adhanom Qebreyesus virusun Çindəki laboratoriyadan sızdırılması ehtimalından danışıb. “Bir neçə gündür, koronavirusun mənşəyi ilə bağlı xəbərlər gündəm olub. Hər hansı bir ölkənin pandemiyanın mənşəyi haqqında məlumatı varsa, bunun ÜST və beynəlxalq elmi ictimaiyyətlə paylaşılması çox vacibdir. Günahı bölüşmək üçün deyil, bu, pandemiyanın necə başladığını başa düşmək, gələcək epidemiya və pandemiyaların qarşısını almaq, onlara hazırlaşmaq üçün əhəmiyyətlidir”, deyə Tedros söyləyib.
O həmçinin, ÜST-nın dəfələrlə Çini məlumat mübadiləsində şəffaf olmağa çağırdığını vurğulayıb: “Hətta bir neçə həftə əvvələ qədər bu məsələ ilə bağlı Çinin yüksək səviyyəli rəsmiləri ilə dəfələrlə görüşüb, yazışmışam. Hazırda proses siyasiləşdirildiyinə görə, virusun mənşəyini müəyyən etmək vəzifəsi daha da çətinləşib. Bu isə təhlükəsizlik baxımından yaxşı hal deyil”.
Günay Rəsulqızı
