Ad günündə atəşə tutulan “Rosskosmos”un keçmiş rəhbərinin vəziyyəti ağırlaşdı
Dekabrın 21-də “Roskosmos”un keçmiş rəhbəri Dmitri Roqozin rus işğalı altındakı Donetskdə “Şeş-Beş” restoran-mehmanxana kompleksində ad gününü qeyd edərkən atəşə tutulub.
Sfera.az bildirir ki, bu barədə Rusiyanın “RİA Novosti” agentliyi siyasətçinin köməkçisinə istinadən məlumat yayıb.
KİV-in məlumatına görə, Roqozin sözügedən kompleksdə bir müddət bir qrup rusiyalı müşavirlə birlikdə yaşayıb. Atışma nəticəsində “Roskosmos” keçmiş rəhbəri yaralanıb.
“Roskosmos”un keçmiş rəhbəri ilə yanaşı, onu müşayiət edən daha bir neçə nəfər də yaralanıb. Roqozinin həyatı üçün heç bir təhlükə olmadığı da bildirilib.
Ekspertlər restoran və otel kompleksinə hücumun 155 millimetrlik Fransız Sezar özüyeriyən artilleriya qurğusundan həyata keçirildiyini ehtimal edirlər.
Rusiyanın bəzi KİV nümayəndələri və ekspertləri hücumun Ukrayna Silahlı Qüvvələri tərəfindən həyata keçirildiyini iddia edir. Bəzi Telegram kanalları hadisə yerində lentə alınan videonu yayıb. Xəbərlərdə “DXR” hökumətinin başçısı Vitali Xotsenkonun da yaralandığı, mühafizəçisinin isə öldürüldüyü bildirilib. Xatırladaq ki, 2022-ci ilin noyabrından Dmitri Roqozin qondarma “DXR” və “LPR” yaraqlılarını dəstəkləyən “Çarskie canavar” hərbi məsləhətçilər qrupuna rəhbərlik edir.
Bu gün Roqozinin hələ də Rostov-na-Donuda olduğu bildirilib.
Donetskdə atəşə tutulan siyasətçi əməliyyat üçün Rusiya paytaxtına göndərilməlidir. Lakin hələ də onu Rostov-na-Donudan çıxarmaq mümkün olmayıb.
Qeyd edildiyi kimi, rusiyalı siyasətçinin vəziyyəti ağırdır.
Dünən Roqozin Donetskdən Rostov-na-Donudakı hərbi hospitala aparılıb. Ancaq burada onu əməliyyat etməyiblər. Əks halda Roqozin bir həftə şəhərdə qalmalı olacaqdı.
Siyasətçi Rostov-na-Dona təxliyə edilən andan onun vəziyyəti pisləşməyə başlayıb.Lakin bununla belə, medianın yazdığına görə, Roqozin müstəqil şəkildə hərəkət edə bilir.
Qeyd edək ki, Roqozinin onurğasına mina parçası ilişib.
Aynil
