Ermənilər bu ölkəni "ən yaxın dost ölkə" ADLANDIRDI - Rusiya neçənci yerdədir?

Erməni sakinlər Fransanı Ermənistan üçün "ən yaxın dost ölkə" hesab edirlər.

Sfera.az “Kommersant”a istinadən xəbər verir ki, Ümumrusiya İctimai Rəyin Öyrənilməsi Mərkəzi və Avrasiya Monitorinq Assosiasiyasının sorğusuna əsasən, Ermənistanda respondentlərin 69%-i Fransanı "ən yaxın dost ölkə" adlandırıb.

Ermənistanın müsbət münasibəti baxımından Rusiya ikinci yerdədir (respondentlərin 52%-i). Siyahıda yalnız Moldova (40%) və Azərbaycanın (38%) sakinləri Rusiyaya daha az isti münasibət bəsləyirlər. Eyni zamanda, sorğuda iştirak edən ermənilərin 26%-i Rusiyanı dost olmayan dövlət hesab edir.

Sorğuda iştirak edən on ölkənin hamısının vətəndaşları Rusiyadan və digər ölkələrdən müxtəlif dərəcədə humanitar yardımın müəyyən növlərinə maraq göstəriblər.

Məlumatda qeyd olunub ki, Ermənistanda, eləcə də Moldova, Tacikistan və Cənubi Osetiyada xarici humanitar yardıma tələbat artıb. Maliyyə dəstəyinə ən çox Ermənistan və Moldova sakinləri maraq göstərir (hər biri 82 faiz).

Qeyd edək ki, tədqiqat avqust-noyabr aylarında on ölkədə aparılıb. Həmin ölkələr Azərbaycan, Ermənistan, Belarus, Qazaxıstan, Qırğızıstan, Moldova, Tacikistan, Özbəkistan, Abxaziya və Cənubi Osetiyadir.

Əzizə Zeynal