Rubl ucuzlaşmaqda davam edir - Ekspertlərin PROQNOZU

Rusiya rublunun xarici valyutalara nisbətən ucuzlaşması davam edir. 

Sfera.az xəbər verir ki, bu gün Moskva birjasında dollar 72 rubla, avro 76,85 rubla yüksəlib. 

Rublun məzənnəsində ucuzlaşma dekabrın əvvəlindən müşahidə olunur. Ayın əvvəlində bir dollar 60 rubl, bir avro 61 rubl idi. 

Rubl Azərbaycanda da ucuzlaşır. Bir ay əvvəl 100 rubl 2,8 manat olduğu halda, hazırda 2,4 manatdır. 

Qısa müddətdə rublun ucuzlaşmasının səbəbi Rusiyaya valyuta daxilolmalarının azalması, eyni zamanda ölkədən valyuta çıxışlarının artmasıdır. Digər tərəfdən Rusiyaya tətbiq edilən yeni sanksiyalar fonunda ölkənin neft və qazdan gəlirlərinin azalması cari əməliyyatlar profisitini kiçildir. 

Ekspertlər sadalanan səbəblərdən 2023-cü ildə rublun məzənnəsində sabitliyi qorumağın daha çətin olacağını proqnozlaşdırır. 

Vasif