Braziliya millisinin mətbuat katibi Real Madrid və Braziliya milli komandasının hücumçusu, 22 yaşlı Vinisius Jr. üçün təşkil olunmuş mətbuat konfransı zamanı pişiyi masadan kobudcasına atdıqdan sonra dünya çempionatında gündəm olub.

 

Sfera.az bildirir ki, futbolçu Braziliya - Xorvatiya 1/4 final matçından əvvəl jurnalistlərin suallarını cavablandırarkən mətbuat xidmətinin əməkdaşı pişiyi sığallayıb. Ancaq bir müddət sonra onun heyvana marağı itib və pişiyi iki əli ilə tüklərindən tutub stolun üstündən atıb.
 

İştirakçılar heyrətə gəlmiş ah çəkib, hətta Vinisiusun özü belə bir hərəkət gözləməyib və çox təəccüblənib. Hadisəni yumşaltmaq üçün mətbuat əməkdaşı auditoriyaya növbəti sualı vermək təklifi ilə müraciət edib. Vinisius tez ona tərəf dönüb nə baş verdiyini soruşub. Mətbuat katibi isə çiyinlərini çəkərək, mətbuat konfransını normal şəkildə davam etdirməyin ən yaxşı yol olduğunu bildirib və gülməkdən özünü saxlaya bilməyib.


Futbolçu özü də istəmədən media ulduzuna çevrilən pişiyin gələcəkdə ölkəsi üçün talisman olacağına ümid edir.
 

Sosial şəbəkələrdə mətbuat əməkdaşının bu hərəkəti tənqid olunub.

Sosial şəbəkə istifadəçiləri :

"Mən həmişə Braziliya millisinin böyük azarkeşi olmuşam, amma indi onların heç vaxt Dünya Kubokunu qazanmamasını istəyirəm. Cinayətkarlara hörmət yoxdur", "Niyə,? Pişik sizin imicinizə kölgə salıb? Pişik sakit idi. .!", "Heyvanlara lağ edin , insanları təhqir edin. İyrənc şəxsiyyətlər", "WTF, açıq-aydın görünür ki, pişik sakit idi. O, sadəcə pişiyi götürüb yerə qoya bilərdi ...." şərhləri yazıblar.


Xatırladaq ki, bu ilin fevralında Londonun “Vest Hem” klubunun futbolçusu Kurt Zouma qardaşı Con ilə əylənərkən pişiklə təpiklə zarafat edib. O, bunun məkandan kənara çıxa biləcəyini təxmin etməyib. Futbolçu güldanı sındıran benqal pişiyini götürüb futbol topu kimi təpiklə vurub və pişiyin mətbəxdən keçib məkandan kənara “uçmasına” səbəb olub.
 

İnternetdə yayılan video isə ictimaiyyəti ciddi şəkildə qəzəbləndirib və idmançı böyük məbləğdə cərimə ödəyib. Bununla yanaşı o, “Adidas” ilə müqaviləsini itirərək əlavə 250.000 funt sterlinq cərimə ödəyib.

Aktrisa və tanınmış heyvan hüquqları müdafiəçisi Bricit Bardo isə onu məhkəməyə verib.

Aynil