Ukraynanın Rusiya hərbi aerodromlarına hücumları ilə bağlı yeni iddia irəli sürülüb.

Sfera.az bildirir ki, sözügedən hücumlardan NATO-nun xəbərdar olduğu iddia edilir. “RİA Novosti”nin məlumatına görə, bunu Vyanada hərbi təhlükəsizlik və silahlara nəzarət üzrə danışıqlarda Rusiya nümayəndə heyətinin rəhbəri Konstantin Qavrilov deyib.

O xatırladıb ki, buna cavab olaraq Moskva Ukraynanın hərbi komandanlıq və idarəetmə sisteminə, müdafiə və enerji obyektlərinə kütləvi zərbələr endirib. Qavrilov qeyd edib ki, Ukrayna davamlı olaraq bu cür yollara əl atarsa, oxşar addımlar atılacaq.

Qeyd edək ki, Rusiya Müdafiə Nazirliyinin məlumatına görə,  Kiyev dekabrın 5-də saat 15:00 radələrində Ryazan və Saratov vilayətlərindəki Diaqilevo və Engels aerodromlarına hücum edib. Nəticədə 3 əsgər ölüb, daha 4 əsgər yaralanıb. Buna cavab olaraq RF Silahlı Qüvvələri Ukrayna hədəflərinə kütləvi zərbələr endirib. Nazirlikdən bildirilib ki, nəticədə 17 obyektin hamısını vurmaq mümkün olub.

Günay Rəsulqızı