ABŞ və İsrailin İrana hücumu davam edir. Fevralın 28-də başlayan hərbi əməliyyatlar hər iki tərəf üçün faciəvi nəticələr doğursa da, hələki müharibə tərəflərindən heç biri geri çəkilmək niyyətində deyil.

Sfera.az xəbər verir ki, İranın silah ehtiyatının tükənəcəyi ilə bağlı proqnozlar da özünü doğrultmur. Ekspertlər hesab edirlər ki, İranın ABŞ və İsraillə qarşıdurmada silahlarının “tükənməməsi” bir neçə faktorla bağlıdır.

Qeyd edək ki, İranda daxili istehsal gücü sürətlə inkişaf edir. İran 1979-cu ildən sonra öz hərbi sənayesini kəskin inkişaf etdirib. Xarici ölkələrdən silah idxalına ciddi məhdudiyyətlər qoyulduğu üçün Tehran öz silahlarını yerli istehsalla təmin etməyə məcbur oldu:

İran raket və pilotsuz uçan aparat (drone) texnologiyalarını özündə inkişaf etdirib. Tank, zirehli texnika və artilleriya sursatlarının bir hissəsini yerli istehsal edir. Bu, ABŞ və İsrailin hücumlarına baxmayaraq, ehtiyat sursatın qorunmasını təmin edir. İran həmişə strateji sursat ehtiyatlarını artırmağın qeydinəq alır. İranın hərbi planlaşdırmasında ehtiyat sursatın uzunmüddətli saxlanması vacib rol oynayır: Raket, mina, mərmi kimi sursatlar böyük anbarlarda saxlanılır. Bu anbarlar ölkə daxilində müxtəlif strateji nöqtələrdə yerləşdirilib, birbaşa hədəfə gəlməsi çətinləşdirilib.

Qeyri-düzənli və simmetrik müharibə üsullarını da nəzərdənq qaçırmamalıyıq.

İran çox vaxt birbaşa konvensional döyüşə girmir, əksinə: proksi qruplar (Hizbullah, Həmas, şiə milisləri) vasitəsilə regional təsirini genişləndirir. Kiçik və ucuz silahlar (dronlar, raketlər, kiçik sursatlar) ilə effektiv hücumlar həyata keçirir. Bu strategiya silah istehlakını azaldır və “silah tükənmir” təsiri yaradır.

İrana qeyri-rəsmi xarici dəstəyin verildiyini heç kim inkar etmir. İran Rusiya və Çin kimi ölkələrlə texnologiya və xammal sahəsində əlaqələr saxlayır. Bu da istehsalını davam etdirməyə və sursat ehtiyatını doldurmağa imkan verir.

Sonda qeyd etmək yerinə düşər ki, İran, sursat istehsalını prioritet sahə hesab edir və büdcə ayırır. Ehtiyat hissələri, texnologiya və xammal bir-birinə inteqrasiya olunmuş sistem kimi işləyir.

Burdan isə belə bir nəticəyə gəlmək olar ki, İranın silahının “tükənməməsi” təkcə sursat ehtiyatı ilə bağlı deyil, həm də yerli istehsal gücü, strateji planlaşdırma və qeyri-düzənli müharibə metodları ilə təmin olunur./metbuat.az

İ​ran kimin silahı ilə döyüşür?

İran kimin silahı ilə döyüşür?