"Bir gecə qəfil gələ bilərik!" - Ərdoğandan Yunanıstana SƏRT XƏBƏRDARLIQ

Yunanıstan və Türkiyə arasındakı gərginlik davam edir.

Sfera.az bildirir ki, Prezident Rəcəb Tayyib Ərdoğan sözügedən ölkəyə xəbərdarlıq edib.

"Ey yunan, tarixə bax. Çox uzağa getsən, bədəli ağır olacaq. Yunanıstan üçün bir cümləmiz var. İzmiri unutma. Yeri gələndə nə lazımdırsa, edəcəyik. Bir gecə qəfil gələ bilərik ", deyə ölkə başçısı söyləyib. 

Ərdoğanın böyük əks-səda doğuran sözlərinə Yunanıstan Xarici İşlər Nazirliyi cavab verib.

Açıqlamada bu ifadələrdən istifadə edilib:

"Yunanıstan gündəlik təkəbbürlü və sərhədyanı bəyanatlar və təhdidlərlə bağlı Türkiyəyə ayaq uydurmayacaq. NATO daxilində birlik və həmrəyliyə kimin zərər vurduğunu göstərmək üçün son günlər səsləndirilən təxribat xarakterli bəyanatların məzmunu ilə bağlı müttəfiqlərimizi və tərəfdaşlarımızı məlumatlandıracağıq. Eyni zamanda, biz beynəlxalq hüquq və dəniz hüququ əsasında bütün region üçün sabitlik və təhlükəsizliyin sütunu olaraq qalacağıq”.

Türkan,

Sfera.az