İsrail İranın Suriyadakı bazasına raket zərbələri endirdi
Dünya
17:32 / 22.07.2022
11914
İsrail hücumun İranın dron istehsalı mərkəzini vurduğunu açıqlayıb.
Sfera.az xəbər verir ki, Suriyadakı hərbi mənbələr İsrailin Dəməşq yaxınlığındakı hədəflərə hücumu nəticəsində 3 əsgərin öldüyünü, daha 7-nin isə yaralandığını bildirib.
İsrail mediası bu hücumların hədəfinin Dəməşq ətrafında İrana məxsus dron istehsal mərkəzi və İran qüvvələri ilə Livanın Hizbullah qruplaşmasına mənsub yaraqlıların bazası olduğunu yazıb.
Suriyalı hərbi mənbələrin verdiyi məlumata görə, hücum səhər saatlarında həyata keçirilib. İsrail qüvvələrinin Qolan yüksəkliklərindən raket atəşi ilə Dəməşq kənarındakı hədəflərə hücum etdiyini açıqlayıb.
Qeyd edək ki, bu, iyul ayında İsrailin Suriyada yerləşən hərbi bazalarına sayca üçüncü hücumudur.
Turan Rzayev