Putinin müharibə taktikaları ilə bağlı yeni İDDİA
![Putinin müharibə taktikaları ilə bağlı yeni İDDİA](https://sfera.az/photo/orginal/2022/05/17/95044.jpg)
14:12 / 17.05.2022
1272
Rusiya prezidenti Vladimir Putin haqqında yeni iddia irəli sürülüb.
Sfera.az bildirir ki, Rusiya ilə Ukrayna arasındakı müharibəni izləyən ekspertlər Putinin hadisəni həddən artıq fərdiləşdirdiyini vurğulayıblar.
Qərb hərbi mənbələrinə görə, Vladimir savaşa o qədər daxil olub ki, o, "polkovnik və ya briqada generalı” səviyyəsində operativ və taktiki qərarlar qəbul edir. Buna sübut olaraq isə Rusiya liderinin ötən həftə Ukraynanın şərqindəki strateji çayı keçməyə cəhd edərkən məğlubiyyətə uğrayan Donbassda qüvvələrin hərəkətini müəyyən etməsi göstərilib.
Mənbələr əlavə edib ki, ötən həftə işdən çıxarıldığına dair iddiaların əksinə olaraq, Putin hələ də Rusiya silahlı qüvvələrinin komandanı, general Valeri Gerasimovla sıx əməkdaşlıq edir. "Putin və Gerasimovun adətən bir polkovnik və ya briqada tərəfindən qəbul edilməsini gözlədiyimiz səviyyədə taktiki qərarların qəbulunda iştirak etdiklərini düşünürük”, - deyən hərbi ekspertlər Rusiya ordusunun bəzi taktiki hərəkətlərinin Putin tərəfindən müəyyən edildiyi ilə razılaşıblar.
Keçmiş Britaniya ordusu briqada generalı və Beynəlxalq Strateji Araşdırmalar İnstitutunun quru müharibəsi üzrə eksperti Ben Barri deyib:
"Hökumət başçısının hərbi qərarlar verməkdən daha yaxşı işləri olmalıdır. Gündəlik fəaliyyətlərdə ilişib qalmaqdansa, siyasi strategiyanı müəyyən etməlidirlər”.
Xatırladaq ki, son 24 saat ərzində Rusiya qüvvələri Ukraynanın şərqindəki Donbass bölgəsindəki cəbhə mövqelərini bombalayıb. Luqansk vilayətinin qubernatoru Serhiy Haydai dünən verdiyi açıqlamada həftə sonu Rusiya hava qüvvələrinin şəhərdəki xəstəxanaya endirdiyi zərbələr nəticəsində biri uşaq olmaqla, iki nəfərin öldüyünü və doqquz nəfərin yaralandığını bildirib. Ukraynanın Donbassda müdafiə qüvvələrinin daha geniş mühasirəyə alınmasını başa çatdırmaq cəhdi uğursuzluqla nəticələndiyindən, müharibədən əvvəl 100 min əhalisi olan sənaye şəhəri Severodonetskə ruslar yavaş və davamlı hücuma başlayıb.
Günay Rəsulqızı
Sfera.az