İspaniya səs-küy çirklənməsinə görə Yaponiyadan sonra ikinci və Avropa İttifaqında isə lider ölkədir.

Bu barədə İqtisadi Əməkdaşlıq və İnkişaf Təşkilatının (İƏİT) hesabatında bildirilir.

İƏİT-in məlumatlarına əsasən, Avropa əhalisinin 20 faizi, yəni hər beş nəfərdən biri səs-küy səviyyəsinin sağlamlıq üçün zərərli hesab edildiyi ərazilərdə yaşayır.

Səs-küy və ya akustik çirklənmə ətraf mühitdə baş verən və sağlamlığımıza, fəaliyyətimizin inkişafına və ya birbaşa ətraf mühitə mənfi təsir göstərə bilən səslər və ya vibrasiyalardır. Ümumdünya Səhiyyə Təşkilatı (ÜST) səs-küyü 65 desibeldən yuxarı hər hansı bir səs kimi təyin edir və 75-i keçərsə, insan qulağı üçün zərərli, 120 desibelə çatdıqda isə ağrılı sayılır. Xüsusilə, ÜST rahat yuxu üçün gün ərzində 65 dB-dən, gecə isə 30 dB-dən çox olmamağı tövsiyə edir.

Avropa Ətraf Mühit Agentliyi (EEA) səs-küy çirklənməsinin ildə 16 min 600 vaxtından əvvəl ölümə və 72 mindən çox xəstəxanaya yerləşdirilməsinə səbəb olduğunu təxmin edir.

Barselona Qlobal Sağlamlıq İnstitutunun (ISGlobal) araşdırması göstərir ki, təxminən 60 milyon insan avtomobillərdən gələn zərərli səs-küyə məruz qalır.

İspaniyada bu problemlə mübarizəyə yönəlmiş yerli və regional qaydalara əlavə olaraq, on ildən artıqdır ki, Səs-küy haqda Qanunu mövcuddur. Madrid və Barselona administrasiyaları artıq öz vətəndaşlarını nəqliyyatın çirklənməsindən və səs-küydən qorumaq üçün aşağı emissiya zonası (ZBE) təyin ediblər.

Valensiya və Valyadolid hakimiyyətləri isə şəhərin müxtəlif ərazilərində akustik mühafizə kimi bitki örtüyündən istifadə etməyə hazırlaşır. Əslində, yaşıl maneələr düzgün layihələnərsə, trafikin səs-küyünü 50 faizə qədər azaldır.

25 aprel Beynəlxalq Səs-küy Günüdür, gəlin onu həyatımızın səsini azaldaraq qeyd edək.

Dünyanın ən səs-küylü ölkələri