FED uçot dərəcəsini endirdi...

ABŞ Mərkəzi Bankı (FED) növbəti faiz qərarını açıqlayıb.

 

Sfera.az xəbər verir ki, FED uçot dərəcəsini 4,25 faiz səviyyəsinə endirib. Qərar 11 lehinə, 1 əleyhinə səslə qəbul olunub.

 

Bu qərar maliyyə bazarları tərəfindən böyük maraqla gözlənilirdi və ABŞ iqtisadiyyatında pul siyasətinin yumşaldılması istiqamətində atılan addım kimi qiymətləndirilir.

 

Qeyd edək ki, qərarla bağlı əlavə detallı məlumatların yaxın saatlarda açıqlanacağı gözlənilir. 

 

Qeyd edək ki, prezident Donald Tramp hakimiyyətə qayıtdıqdan dərhal sonra FED-dən faizləri kəskin endirməyi tələb edir. O, dəfələrlə FED rəhbəri Cerom Pauelli faizləri qəsdən endirməməkdə ittiham edib. Trampın fikrincə, Pauell faizləri yüksək saxlayaraq hökumətin xərclərini artırır. O, hətta FED rəhbərini "inadkar eşşək" adlandırmaqdan belə çəkinməyib. Pauell isə dəfələrlə bəyan edib ki, vaxtından əvvəl vəzifəsindən istefa verməyəcək. Onun səlahiyyət müddəti 2026-cı ilin mayında bitir. 

 

Onu da qeyd edək ki, Tramp uçot dərəcəsinin ən azı 2-3 faiz endirilməsini tələb edir. Bu baxımdan, dərəcəni FED-in cəmi 0,25 faiz bəndi salmasından razı qalmayacağı gözlənilir.