“Location”dakı partlayışda məşhur şirkətin meneceri də ağır yaralanıb - VİDEO
15:53 / 12.04.2022
4819
"Location” klubundakı partlayış zamanı daha bir əcnəbinin xəsarət aldığı müəyyənləşib.
Sfera.az xəbər verir ki, hadisə zamanı "Location” klubla üzbəüz "Room” restoranın qarşısında dayanan italiyalı iş adamı Miçelle Balleri ağır yaralanıb.
Məlum olub ki, o, Bakıda fəaliyyət göstərən tanınmış neft şirkəti "Saipem”in əməkdaşıdır. İlkin məlumata görə, M.Balleri 8 ilə yaxındır Azərbaycanda çalışır və şirkətin rəhbər şəxslərindən biridir.
Başından xəsarət alan Miçelle Ballerinin müalicə üçün İtaliyaya göndərildiyi bildirilir.
Hadisə zamanı "Room” restoranının önündə dayanan italiyalı mühəndisin başına partlayışın təsirindən qoparaq uçan taxta dəymişdi. Həmin anın görüntüləri "Room” restoranının təhlükəsizlik kameralarına da düşmüşdü.
