Mərkəzi Bank 10 milyard dolları necə itirib? - Sədrdən açıqlama

Mərkəzi Bank 10 milyard dolları necə itirib? - Sədrdən açıqlama
"2008-ci ildən dünyada qlobal maliyyə böhranı başladı. Ölkədə makroiqtisadi sabitlik pozulmadı. Neftin qiyməti kəskin düşsə də, tez bir zamanda bərpa olundu”.

Sfera.az  xəbər verir ki, bunu Mərkəzi Bankın sədri Elman Rüstəmov deyib.

Onun sözlərinə görə, 2014-cü ilin iyun ayından başlayaraq böhran, dünyada tələbin azalması və bir sıra amillərin təsiri altında neft qiymətlərinin azalması ilə müşahidə olundu: "2016-ci ilin sonunda neftin 28 dollara enməklə qiymətlər 4 dəfə azaldı. Bu halda ölkədə tədiyyə və ticarət balansında problemlər yaranmağa başladı. 1,4 milyardlıq kəsirlə üzləşdik”.

Rüstəmov bildirib ki, cari balansda böyük itki ilə üzləşiblər: "Büdcəyə neft transferlərin həcmi yüksək idi. Yaranmış makroiqtisadi vəziyyətdə hesablamalar və qeyri-müəyyənliklər neftin qiymətini aşağı düşürdü. Proqnozlaşadırmaq çətin idi. Ölkə strateji valyuta ehtiyatlarını itirməklə üzləşdi. Valyuta transferləri və beynəlxalq ödəmə qabiliyyətinə ciddi təhdidlər yaranırdı. Sonrakı proseslər göstərdi ki, bu doğru qəbul edilmiş qərar idi. İldə 12 milyard transfer dövlət büdcəsinə sərf edirdisə, xərclər 6 milyard dollara düşdü. Yəni qeyd edilən 10 milyard vəsait itkisi bir-iki ay ərzində baş vermədi. Fiskal və monetar siyasətdə lazımi nəticələr çıxarılıb”.
Sehliyali
Turan Bank

OXŞAR XƏBƏRLƏR1