“Sosial şəbəkələr bütün insanları real həyatdan uzaqlaşdırır” - Psixoloq
Müsahibə
13:52 / 05.10.2021
1530
"Sosial
şəbəkələrin bir neçə saatlıq çökməsinin psixoloji sarsıntı və travma yaradacağını
düşünmürəm. Xüsusilə axşam saatlarında bu durğunluğun yaranması lap yaxşı oldu".
Bunu Sfera.az-a açıqlamasında
psixoloq Fərqanə Mehmanqızı deyib. Psixoloq gərginliyin yalnız müəyyən qisim
insanlarda yarana biləcəyini qeyd edib:
"Sosial şəbəkələrin çalışmadığı müddətdə
insanlar ailələri ilə zaman keçirmək şansı qazandı. Yalnız sözügedən sosial şəbəkələr
vasitələri ilə bağlı işləyən şəxslərdə müəyyən gərginlik yarana bilər. Lakin
yenə də bu vəziyyət həmin şəxslərdə travma yarada bilməz. Dünən baş verən hadisə
özlüyündə nümayiş etdirdi ki, biz hər şeydən məhrum ola bilərik.
Sosial şəbəkələrdən asılılığın real həyata çox mənfi
təsirləri var. Belə ki, real həyatda özünü təsdiq edə bilməyən insanlar sosial şəbəkələrdə
özünü başqa şəkildə cəmiyyətə təlqin etməyə başlayırlar və hansısa statusa
sahib olurlar. Lakin bu insanlar real həyatda özlərini tapa bilməyən, özgüvənləri
aşağı şəxslərdir ki. sosial şəbəkədə obraza girib cəmiyyətdə yer tutmağa çalışırlar.
Qeyd edək ki, ötən gün "WhatsApp", "İnstagram"
və "Facebook"da bir neçə saatlıq durğunluq yaranıb, istifadəçilər adıçəkilən
şəbəkələrdən istifadə edə bilməyiblər.
Əzizə Zeynal
Sfera.az 
