Xatirə günü və neftin qiyməti
09:30 / 31.05.2016
1845
Mayın sonuncu bazar ertəsi ABŞ-da hərbi xidmətdə vəfat etmiş şəxslərin xatirəsi (Decoration Day) yad edildiyi üçün qeyri-iş günü hesab edilir. Mayın 30-u məhz "Decoration Day" münasibəti ilə qeyri-iş günü olduğuna görə, dünya bazarında WTI (West Texas Intermediate) markalı xam neftin qiymətində heç bir dəyişiklik baş verməyib və WTI-ın qiyməti ötən həftənin sonunda olduğu kimi 49,33 dollar/barel təşkil edib.
Sfera.az report-a istinadən bildirir ki, "Brent" markalı neft isə 0,44 dollar və ya 0,89% irəliləyərək 49,76 dollar/barelə bərabər olub.
Proqnozlara görə, xam neftin qiyməti ilin sonunadək hazırkı səviyyədə qalarsa, 2016-cı ildə neftin orta qiymətinin 56 dollar/barel olacağı gözlənilir.
