Astroloqların proqnozlarına görə, yaxın günlərdə bəzi bürclər üçün maliyyə baxımından olduqca uğurlu dövr başlayır.

Sfera.az xəbər verir ki, ulduzların düzülüşü gözlənilməz gəlirlər, yeni qazanc mənbələri və maddi rahatlıq vəd edir. Xüsusilə investisiya, iş təklifi və borcların geri qaytarılması kimi mövzularda sevindirici xəbərlər gözlənilir.

Mütəxəssislərin fikrincə, aşağıdakı bürclər yaxın günlərdə bol pul qazanmaq şansı əldə edəcək:

Buğa

Buğalar üçün maliyyə baxımından məhsuldar mərhələ başlayır. Uzun müddətdir gözlənilən ödənişlər, maaş artımı və ya gəlirli təkliflər gündəmə gələ bilər. Xüsusilə biznes və ticarətlə məşğul olan Buğalar üçün uğurlu vaxtdır.

Şir

Şirlər üçün şans qapıları açılır. Gözlənilməz pul girişi, bonuslar və ya əlavə qazanc imkanları yarana bilər. Riskli görünən, lakin düzgün hesablanmış addımlar böyük gəlir gətirə bilər.

Əqrəb

Əqrəblər yaxın günlərdə maddi rahatlıq hiss edəcəklər. Keçmiş investisiyaların bəhrəsini görmək, borcların bağlanması və ya mirasla bağlı müsbət xəbərlər mümkündür. Pul axını sabitləşir.

Oğlaq

Əməyi və səbrinin qarşılığını almağa başlayan Oğlaqlar üçün maliyyə yüksəlişi gözlənilir. Yeni layihələr, vəzifə artımı və uzunmüddətli gəlir mənbələri ön plana çıxır.

Astroloqlar xəbərdarlıq edir ki, bu dövrdə qazanılan pulu düşünülməmiş xərclərə deyil, daha çox yığıma və gəlir gətirən sahələrə yönəltmək faydalı olar.

Qeyd edək ki, ulduz proqnozları ehtimal xarakteri daşıyır və şəxsi qərarlar verərkən real şərtlər də nəzərə alınmalıdır.(Milli.az)

Yaxın günlərdə bu BÜRCLƏR çoxlu pul qazanacaq