Almaniyada soydaşımız qətlə yetirildi

Avropada həmvətənimizin üzərində zorakılıq əlamətləri olan meyidi aşkarlanıb.

Sfera.az aznews.az-a istinadən bildirir ki, Almaniyanin Düsseldorf şəhəri yaxınlığında yaşayan, 16.06.1969-cu ildə Ermənistanda doğulmuş İsmayılov Muradbəy Məmməd oğlunun yaşadığı mənzildən meyidi tapılıb. Meyidin çənə və boğaz nahiyəsində zorakılıq əlamətləri aşkar edilib.  

Faktla bağlı araşdırma aparılır.  

Məlumata görə, mərhum 3 ildir ki, Almaniyada yaşayırmış. Ermənistandan köçkün düşəndən sonra Mingəçevirdə yaşadığı bildirilir.